اسلام آباد 06 جون (اے پي پي) د منصوبه بندۍ او پرمختګ وفاقي وزير احسن اقبال وئيلي دي چې قامي اقتصادي کونسل (اېن اي سي) راتلونكي مالي كال 24-2023 لپاره د 2.709 ټرېلين روپو د مجموعي كلن پرمختيائي منصوبې (اے ډي پي) د تجويز او ګرد هېواد كښې د شپې اته بجې د دكانونو بندولو پرېكړه كړې ده۔ د نهې په ورځ د قامي اقتصادي کونسل غونډه د وزيراعظم شهباز شريف په مشرۍ كښې وشوه۔ د غونډې نه پس ميډيا ته د بريفنګ په مهال وفاقي وزير ووئيل وفاقي حکومت به د پبلك سيکټر ډويلپمنټ پروګرام 24-2023 له مخې 1150 اربه روپۍ او صوبې به 1559 اربه روپۍ مصرف كوي۔ د غونډې نه پس ده ووئيل په نړيواله كچه د زياتېدونكې بيعو له امله توان پاكستان لپاره لوے چېلنج جوړ شوے دے۔ ده ووئيل كه مونږ په فيوسل فول او تېل انحصار كوٶ نو زمونږ معيشت به دغسې خطرو سره مخ وي ٬ حكومت هڅې كوي چې دوه ډول اقدامات وكړې شي٬ يو اقدام دا چې مونږ د توان بچت وكړو او دې لپاره نن كابينې پېكېج منظور كړې ٶ چې د انرجي بچت لپاره به دكانونه او كمرشل سنټرز د شپې اته بجے بندول وي، دغسې چې كوم لائټس دي او پخواني بلبونه دي ھغه ختمولو سره دې اېل اي ډي لائټس استعمال كړې شي۔ ده ووېيل د ګيزرز صلاحيت دې زيات كړې شي دا ھغه اقدامات دي چې د لارې ئې مونږ په كلنه توګه يو اربه ډالره بچت كولې شو، كابينې په دې لړ كښې پرېكړه كړې وه خو په دې كښې صوبائي حكومتونه شامل نه ٶ٬ په نننۍ غونډه كښې صوبائي حکومتونه هم شريك وو۔ احسن اقبال ووئيل اوس مونږ هيله لرو چې صوبائي حكومتونه به هم د توان د بچت په منظور شوي پېكېج عملدرآمد وكړي او د توان په بچت كښې به خپل كردار ولوبوي او دغسې قېمتي زرمبادله به بچ كړې شؤ۔ وفاقي وزير ووئيل امريكا او اروپا هم د شپې تر ناوخته د كمرشل ايريا د بېرته ساتلو عياشي نشي برداشت كولې حالانكه ھغوي زمونږ نه زيات شتمند او خوشحاله هېوادونه دي۔ وفاقي وزير صنعتونه په عصري بنيادونو د اودرولو په ضرورت هم زور رواړو دغسې چې يوه سوكاله تولنه جوړولو لپاره معيشت په سم لور روان كړې شي۔ ده ووئيل په مستقل بنيادونو معاشي استحكام لپاره د منصوبه بندۍ وزارت 5- ايز( Es) فريم ورك وضع كړې دے چې له مخې به ئې د برآمدات وده ، د اي ( ډيجيټل) پاکستان پرمختګ، ماحوليات، توان او مساوي پاکستان پلو پام ګرځولے كېږي دې لپاره د دې فرېم ورك له مخې داسې اېجنډا مرتب كړې شوه كومه چې پاكستان لپاره ډېره ضروري ده۔ ده ووئيل 5 ايز كښې به وړومبې برآمدات زياتولو لپاره اقدامات كولې شي، زمونږ ترجيح ده چې د پنځو څانګو د لارې برآمدات دې زيات كړې شي، په ګلوبل مارکيټ كښې د پنځو څانګو د لارې به خپل برآمدات زياتولو لپاه اقدامات كولې شي، ډيجيټل پاکستان هم په دې كښې يوه منصوبه ده٬ د ډيجيټل انقلاب د لارې پېداواري صلاحيت په نړۍ كښې ترلاسه كېږي، ډيجيټل سهولتونه به ګرد هواد ته وركولو لپاره اقدامات كولې شي۔ احسن اقبال ووئيل ځوانانو لپاره به سكل ډوېلپمنټ لپاره منصوبې پېل كولې شي، ځوانانو ته مثبت مراعات وركولو سره دوئي د ټولنې ښه وګړي جوړېدې شي، 60 زره ځوانانو ته به صنعتي تربيه وركولې شي٬ په 5 ايز صوبو ته هم د عملدرامد امر شوې دې، نن قامي اقتصادي كونسل ته د كال 2035 د آٶټ لك په اړه ووئيل شول٬ تر كال 2035 به 570 اربه ډالرو نه زيات معيشت جوړ شي۔ ده ووئيل مونږ د معيشت بهترۍ لپاره سياسي استحكام ته اړتيا لرؤ ۔ ده ووئيل مونږ له كوچنيانو ته ښه تعليم وركولو لپاره به هر كال 2.5 لكه سكولونه جوړول وي٬ كه مونږ سست رفتارۍ سره ځو نو مونږ به يو لك سكولونه جوړ كړې شو٬ درېم د اي انوائرومنټ دے، واټر مينجمنټ او فوډ سيکورټي به بهتر كوٶ، په کلائمټ چېنج بلوچستان لپاره به د سل اربه روپو پروګرام پېل كوٶ٬ څلورم د اي انرجي سكيورټي دې۔ ده ووئيل ځوانانو او مېرمنو لپاره به موقعې پېدا كوٶ، ځوانانو لپاره به د سل اربه روپو مختلف منصوبې وړاندې كوٶ ،7000 انټرنشپس پروګرام لاؤنچ كړېشوې۔ احسن اقبال ووئيل د اوبو څانګه 97 اربه روپو نه زياتولو سره دې لپاره 110 اربه روپۍ اېښودلې شوې دي٬ ګلګت بلتستان او آزاد کشمير لپاره 55 اربه روپو نه زياتولو سره 61 اربه روپۍ بېل كړې شوې٬ د پخوانۍ فاټا ضم شوې ضلعو لپاره 58 اربه روپۍ اېښودلې شوې دي۔ ده ووئيل نن د پي اېس ډي پي په مد كښې 1150 تاريخي بجټ منظور كړې شوې، په قامي پرمختيائي پروګرام به 2709 اربه روپۍ خرڅ كولې شي، د بلوچستان او د پنجاب د څلورو څلورو مياشتو پرمختيائي بجټ منظور كړې شوے دے٬ د دواړو صوبو بشپړه بجټ سره به د درې زره اربه روپو پرمختيائي بجټ شي، 59 اربه روپۍ اېجوكېشن لپاره بېلې كړې شوې دي ۔ احسن اقبال ووئيل د راتلونكي كال شرح نمو 3.5 د ګرانۍ شرح 21 فيصده د پاتې كېدو امكان دے٬ تېر حكومت په آخري كال د 84 اربه ډالرو درآمدات كړي٬ سندھ لپاره 345 اربه٬ بلوچستان لپاره 104 اربه او خېبرپښتونخوا لپاره 84 اربه مختص كړې شوې دي٬ پنجاب لپاره 29 اربه روپۍ مختص كړې شوې دي۔ ده ووئيل د تل پاتې پرمختګ هدفونو لپاره 90 اربه روپۍ مختص كړې شوې دي، روان مالي كال لپاره 111 اربه روپۍ مختص كړې شوې وې، د سکولونو نه بهر زده كوٶنكو لپاره د 25 اربه روپو منصوبه وړاندې كوٶ، زمونږ د دوه كروړه نه زيات كوچنيان د سكولونو نه بهر دي٬ دغسې د سي پېك منصوبو لپاره رقوم مختص كړې شوې د
ګرد هېواد كښې دكانونه د شپې اته بجې بندولو پرېكړه شوې۔ د وفاقي وزير احسن اقبال د قامي اقتصادي كونسل غونډې نه پس ميډيا ته بريفنګ
مضمون کا ماخذ : میگا ملینز لائیو ڈرا
متعلقہ مضامین
