اسلام آباد۔19ستمبر(اے پی پی) وزیر دفاع، دفاعی پیداوار و ہوابازی ??واجہ محمد آصف نال مصر دے سفیر ایہاب عبدالحمید اتے زمبابوے دے سفیر تیتوس مہلیسوا جوناتھن ابو باسوتو انڄ انڄ ملاقاتاں کیتن جئیں اچ سانجھی دلچسپی دے امور ، ݙوپاسے ??عاون دے امور زیر بحث آئے ۔ مصر دے سفیر ڈاکٹر ایہاب عبدالحمید حسن اسلام آباد اچ وزیر دفاع، دفاعی پیداوارتے ہوابازی ??واجہ محمد آصف نال ملاقات کیتی ۔ وزیردفاع آکھیے پاکستان تے مصر وچال ݙو پاسے ??علقات خوشگوارتے سانجھے اعتماد تے قائم ہن ، مصر خطے دا اہم ملک اے تے ایندا استحکام تے ترقی مشرق وسطیٰ دے خطے اچ امن اتے خوشحالی سانڳے ناگزیر اے۔ وزیر دفاع اعادہ کیتے جو پاکستان غزہ تے اسرائیلی جارحیت دی شدید مذمت کریندے فلسطین اچ آپݨے بھراویں نال پوری یکجہتی کریندے ۔وزیر دفاع آکھیے مصر تے پاکستان وچال دفاعی پیداوار سودھے سارے شعبیں اچ ودھݨ دی چنڳی صلاحیت موجود اے ۔ معزز مہمان نیک تمناواں سانڳے معزز وزیر دا شکریہ ادا کیتے تے دفاع سودھے سانجھی دلچسپی دے سارے معاملات اچ پاکستان دے رلے کم کرݨ سانڳے آپݨی حکومت دے عزم دا ݙسائے ۔ زمبابوے دے سفیر تیتوس مہلیسوا جوناتھن ابو باسوتو وی وزیر دفاع خواجہ محمد آصف نال ملاقات کیتی ۔وزیر دفاع آکھیے پاکستان اتے زمبابوے وچال سانجھے اقدار تے جدوجہد دی سانجھی تاریخ تے مبنی ݙوپاسے ??علقات ہن ۔ انہاں زمبابوے نال سیاسی، اقتصادی اتے دفاعی تعلقات کوں تکڑا بݨاوݨ دی خواہش ظاہر کیتی ۔دونوںفریقین ݙو پاسے ??عاون دی موجودہ سطح تے اطمینان کیتے تے سانجھی دلچسپی دے شعبیں اچ اینکوں مزید اڳوں ودھاوݨ دا عزم کیتے
