لاہور۔20اکتوبر(اے پی پی) وزیراعلی پنجاب دی ص??ارت اچ ھک اہم اجلاس تھئے ??یں تے پنجاب اچ ڈویلپمنٹ،واٹر اینڈ سینی ٹیشن اتے ہارٹیکلچر سانڳے صوبائی اتھارٹیز بݨاوݨ دا فیصلہ کیتا ڳئے ۔اجلاس اچ صوبائی وزرا بلال یاسین،ذیشان رفیق، چیف سیکرٹری پنجاب، پرنسپل سیکرٹری ٹو وزیر اعلی،متعلقہ انتظامی سیکرٹریز سودھے ٻئے ??کام جݙاں جو سیکرٹری ہا ؤسنگ تے بلدیات ویڈیو لنک دے ذریعے شرکت کیتی۔ اجلاس اچ وزیراعلی پنجاب مریم نواز شریف ترائے ??وبائی اتھارٹیز بݨاوݨ دی اصولی منظوری ݙے ݙتی جیں اچ صوبائی اتھارٹیز سانڳے گورننگ بورڈ اتے ڈائریکٹر جنرلز بݨاوݨ،مقامی سطح تے مینجمنٹ بورڈ اتے منیجنگ ڈائریکٹرز بݨاوݨ دا وی جائزہ ڳھدا ڳئے ??ݙاں جو سٹریٹ لائٹس کوں سولر انرجی تے منتقل کرݨ دی ہدایت کیتی ۔ وزیراعلی اجلاس توں خطاب اچ آکھیے پنجاب ڈویلپمنٹ اتھارٹی،پنجاب واٹراینڈ سینی ٹیشن اتھارٹی اتے پنجاب ہارٹی کلچر اتھارٹی بݨائی ویسی جݙاں جو صوبائی اتھارٹیز بݨاوݨ سانڳے باقاعدہ قانون سازی تھیسی۔ انہاں آکھیے صوبائی اتھارٹیز مرکزی سطح تے پالیسی تے پلان بݨیسن جݙاں جو مقامی سطح تے ڈویلپمنٹ،واٹر اینڈ سینی ٹیشن اتے ہارٹیکلچر ایجنسی پلان تے عملدرآمد یقینی بݨیسن۔
