اسلام آباد۔22دسمبر(اے پی پی)وزیراعظم عمران خان ہدایت کیتی اے جو پاکستان اچ صحت دے شعبہ اچ سرمایہ کاری کرݨ آلے اوورسیز پاکستانیاں ڈاکٹراں کیتے سرمایہ کاری بورڈ اچ ڈیسک ٻݨایا ونڄے، اے ڳالھ انہاں ایسوسی ایشن آف فزیشن آف پاکستانی اوریجن آف نارتھ امریکہ ( اے پی پی این اے) دے وفد نال ملݨ ویلھے آکھی۔ وزیراعظم آکھیا جو بیرون ملک مقیم پاکستانی ڈاکٹراں کوں پاکستان اچ معیاری صحت دے نظام کیتے ودھ سرمایہ کاری کرݨی چاہیدی اے، (اے پی پی این اے) پاکستان اچ جدید ترین طبی سہولتاں کیتے ودھ براہ راست غیرملکی سرمایہ کاری کوں متوجہ کرݨ کیتے توجہ ݙیوے۔ (اے پی پی این اے )دے صدر ڈاکٹر رضوان خالد بیرون ملک پاکستانیاں کوں ووٹ دا حق ݙیوݨ اتے انہاں دے سوکھ کیتے پاور آف اٹارنی سانڳے آن لائن سسٹم ٻݨآوݨ تے وزیراعظم دا شکریہ ادا کیتے اتے پاکستان اچ صحت دے شعبہ دی بہتری، فلاحی منصوبیاں اچ ہتھ ونݙاوݨ دا یقین ݙیوائے۔
پاکستان اچ صحت دے شعبہ اچ سرمایہ کاری کرݨ آلے اوورسیز پاکستانیاں ڈاکٹراں کیتے سرمایہ کاری بورڈ اچ ڈیسک ٻݨایا ونڄے، وزیراعظم عمران خان
مضمون کا ماخذ : ریل رش
متعلقہ مضامین
