لاہور۔12دسمبر(اے پی پی)وفاقی وزیر اطلاعات و نشریات فواد چودھری آکھیے جو الیکشن کمیشن کوں تکڑا کرݨ چاہندے ہیں، فارن فنڈنڳ کیس تے کم ݙھلا اے، ساریاں سسیاسی جماعتاں دے کھاتے کھلݨے چاہیدن۔ اے ڳالھ انہاں لاہور اچ وزیر مملکت اطلاعات و نشریات میاں فرخ حبیب نال نیوز کانفرنس کریندے آکھی۔ انہاں آکھیا جو الیکشن تریے وݙیاں جماعتاں دے دا فنڈنگ ریکارڈ کٹھے سامݨے ڳھن آوے، فارن فنڈنگ تحقیقات بے شک پیپلزپارٹی، پی ٹی آئی اتے ن لیگ توں شروع کیتان ونڄن۔ وفاقی وزیر آکھیا جو ٻہوں ساریاں شدت پسند جماعتاں الیکشن کمیشن اچ رجسٹرڈ ہین، ن لیگ دے ہک وی ڈونر دا ریکارڈ کائنی، پیپلزپارٹی دا 2009 توں 2012 دا کوئی فنڈنگ ریکارڈ کائنی، کہیں کوں فنڈنگ دے زائع دا وی پتا نئیں۔ انہاں آکھیا جو بلوچستان حکومت عوام دے مسائل ضرور حل کریسی، گوادر اچ بجلی، پانی اتے گیس دے مسلیاں دا احساس اے، ایندے کیتے وزیراعظم بلوچستان حکومت نال لائے، ایں ہفتے بلوچستان کیتے سب توں وݙا پیکج آندا پئے۔ فواد چودھری آکھیا جو پنجاب اچ لوکل گورنمنٹ آرڈیننس منظور تھی چکیے، ہر ضلع اچ میئر دے انتخابات تھیسن، میئر اپݨے علاقے دا وزیر اعلیٰ ہوسی، پنجاب اچ ہر ضلع دے میئر دے براہ راست انتخابات دا شیڈول تیکھے آ ویسی۔ وزیر اطلاعات آکھیے جو اے الیکشن سو فیصد ای وی ایم تے تھی سڳدن، ساریاں مشیناں ݙو مہینے اچ مل سڳدن۔ انہاں آکھیا جو منی بجٹ کوئی مسلہ نئیں، مہانڳ ڳھٹدا پئے اتے حکومت چھؤٹے اتے وچلے طبقے دی سماجی مدد کیتے ودھ توجہ ݙیندی پئی اے۔
فارن فنڈنڳ کیس تے کم ݙھلا اے، ساریاں سسیاسی جماعتاں دے کھاتے کھلݨے چاہیدن، وفاقی وزیر اطلاعات و نشریات فواد چودھری
مضمون کا ماخذ : estatisticas lotomania
متعلقہ مضامین
