لاہور ۔ 18 جولائی (اے پی پی) وزیراعظم عمران خان ہدایت کیتی ہے جو عام لوکیں کوں صحت دی چنگیاں سہولتاں ڈیونڑ سانگے سرکاری ہسپتالاں اچ جزا تے سزا دا جامع نظام متعارف کرایا ویسی۔انہاں آکھیا جو سرکاری ہسپتالاں دے انتظام تے ڈیکھ بھال کوں دور جدید دے تقاضیاں نال جوڑیا ویسی۔وزیراعظم آکھیا جو انصاف صحت کارڈ دا دائرہ کار صوبے دے پسماندہ علاقیاں اچ بیا ودھایا ویسی۔ انہاں ایہ گالھ خمیس کوں شعبہ صحت دی چنگائی دے سلسلے اچ موجودہ حکومت ولوں کیتے گئے اقدامات بارے بریفنگ دوران آکھی۔ سیکرٹری ہیلتھ کیئر اینڈ میڈیکل ایجوکیشن مومن آغا وزیراعظم کوں ہیلتھ ڈیپارٹمنٹ دے جاری منصوبیں بارے ڈسایا۔ وزیراعظم عمران خان صحت دے شعبے کیتے رکھے گئے بجٹ اتے وسائل دا چنگا استعمال یقینی بناونڑ دی ہدایت کریندے ہوئیں آکھیا وج سرکاری ہسپتالاں دا انتظام اتے اتھاں ڈیکھ بھال دور جدید دے تقاضیاں مطابق کیتی ونجے۔ انہاں آکھیا جو خیبرپختونخوا اچ تحریک انصاف دی حکومت صحت دے شعبے اچ جیرھیاں کامیابیاں حاصل کیتیاں ،ا وہ اساڈی حکومت دی ایں شعبے کوں ترجیح ڈیونڑ دا عملی ثبوت ہے۔ انہاں ہدایت کیتی جو عام لوکیں کوں صحت دی چنگیاں سہولتاں ڈیونڑ یقینی بناونڑ کیتے سرکاری ہسپتالاں اچ جزا تے سزا دا جامع نظام متعارف کرایا ویسی۔ بریفنگ اچ وزیراعلی پنجاب سردار عثمان بزدار، اطلاعات تے نشریات بارے وزیراعظم دی معاون خصوصی ڈاکٹر فردوس عاشق اعوان اتے وزیر صحت پنجاب یاسمین راشد وی موجود ہن۔
وزیراعظم عمران خان دی شعبہ صحت دی چنگائی پاروں موجودہ حکومت ولوں کیتے گئے اقدامات بارے بریفنگ دوران گالھ مہاڑ
مضمون کا ماخذ : آن لائن اور ایپلیکیشنز
متعلقہ مضامین
