اسلام آباد ۔ 5 جنوری (اے پی پی) پاک فوج دے شعبہ تعلقات عامہ (آئی ایس پی آر) دے ڈائریکٹرجنرل میجر جنرل آصف غفورآکھیے جوپاکستان امن کیتے کردار ادا کریندا رہسی،ایران امریکا جھیڑے اچ فریق بنڑسوں نہ کہیں کوں اپنڑی سرزمین کہیں دے خلاف استعمال کرنڑ دی اجازت ڈیسوں۔اے گالھ ڈائریکٹرجنرل آئی ایس پی آر میجر جنرل آصف غفورہک نجی ٹی وی چینل نال گالھ مہاڑکریندے آکھی۔انہاںا ٓکھیے جو پاکستان اپنڑی سرزمین تے دہشت گردی کوں ہرائے اتے مکائے،پاکستان اپنڑی سرزمین کہیں دے خلاف وی استعمال تھیونڑ دی اجازت نہ ڈیسی۔انہاں امریکا ولوںپاک فوج دے تربیتی پروگرام دی بحالی سانگے ایران بارے پالیسی اچ تبدیلی دے حوالہ نال بھارتی میڈیا دے دعویاں کوں مستردکریندے ہوئے ایکوں پراپیگنڈہ اتے کوڑی خبر قرار ڈتے۔ انہاں آکھیے ایندے تے پچھلے چار پنج مہینے اچ ڈوہاں ملکاں اچ گالھ چلدی پئی ہئی ،ایکوں پاکستان دا امریکا دو جھکاﺅ قرارڈیونڑ بھارتی پراپیگنڈہ اے، پاک فوج ہک ذمہ دار اتے پیشہ وارانہ مہارت دی فوج اے جیں بھارتی قیادت دے اشتعال انگیزبیانات دے باوجود ضبط وتحمل ڈکھائے۔میجرجنرل آصف غفور آرمی چیف جنرل قمرجاوید باجوہ اتے امریکی سیکرٹری خارجہ مائیک پومپیودی گالھ مہاڑتے وی الوائے اتے آکھیے جوآرمی چیف امریکی سیکرٹری خارجہ کوں ڈسائے جو خطہ ہک خراب صورتحال توں ہنڑ امن دو ودھدا پئے،بغداد واقعہ دے بعد امن کوششاں کوں نقصان تھیسی۔ انہاں آکھیا جو جنرل قمرجاوید باجوہ علاقائی سلامتی اتے افغان امن عمل بارے اہم کردار رکھدن، پاکستان خطے اچ ہک بیا بحران نئیں ڈیکھنڑاچاہندا۔
پاکستان امن کیتے کردار ادا کریندا رہسی،ایران امریکا جھیڑے اچ فریق بنڑسوں نہ کہیں کوں اپنڑی سرزمین کہیں دے خلاف استعمال کرنڑ دی اجازت ڈیسوں،ڈائریکٹرجنرل آئی ایس پی آر میجر جنرل آصف غفور
مضمون کا ماخذ : میگا ملینز آن لائن ٹکٹ
متعلقہ مضامین
