اسلام آباد 03 اکتوبر (اے پي پي) پاکستان او ماليزيا تجارت، سرمايه کاري، دفاع، زراعت او په نورو څانګو كښې دوه اړخيزه مرستې زياتولو ته صلاح يوه كړې او د غزه او د کشمير پشمول د سيمه ايزو چارو په اړه يې د خپل قوي دريځ پخلے كړے۔ دا خبره وزيراعظم شهباز شريف او د ماليزيا وزيراعظم انور ابراهيم ترمېنځه د زيارت په ورځ په وزيراعظم هاٶس كښې د يو په يو ملاقات او د پلاويو په كچه د خبرو نه وروستو خبري كنفرنس ته كړې٬ دواړو مشړانو ميډيا ته ووئيل زمونږ په خبرو اترو كښې د دوه اړخيزه ګټې په يو شمېر څانګو كښې مرستې سره سره د فلسطين او کشمير پشمول سيمه ايزو او نړيوالو چارو پلو پام ګرځولے شوے٬ دواړه مشران دوه اړخيزه تجارت ته د ودې وركولو د هڅو په لړ كښې دې خبرې ته صلاح شوي چې د دواړه هېوادونه به په كلنه توګه د 200 ملين ډالرو حلاله غوښه او 100,000 ميټرك ټن باسمتي وريژې برآمد كوي٬ د ماليزيا او پاکستان ترمېنځه مجموعي تجارت 1.4 بلين ډالر ٶ چې پكښې پام آئل، ملبوسات، رخت، کيميکل او په کيميکل آډانه څيزونه او اليکټرك او اليکټرانك څيزونه شامل دي٬ د يادونې وړ ده په سوئيلي اسيا هېوادونو كښې پاکستان د ماليزيا درېم لوي تجارتي شركتدار دے ۔ وزيراعظم شهباز شريف ووئيل د پاکستان باسمتي وريژو په برآمد د خيالاتو څرګندونې نه علاوه د دواړو ترمينځه د پاكستان او ماليزيا د په كلن بنياد د 200 ملين ډالرو د حلالې غوښې برآمد كولو په امكانات هم د خيالاتو څرګندونه شوې ٬ ده باور وركړٶ چې پاکستان به په معيار هېڅ سمجهوته نه كوي۔ ده ووئيل د ماليزيا وزيراعظم پاكستان څخه د وريژو په درامد كښې خنډان لرې كولو هم باور راكړے۔ وزيراعظم شهباز شريف ووئيل تجارت او سرمايه کارۍ كښې اضافې نه علاوه دفاع، سېلګرۍ، زراعت، ګرين انرژي، هنر مند افرادي قوت او ځوانان اختيار منده جوړولو په څانګو كښې د لا مرستې لارې لټولو لپاره يوه په زړه پورې غونډه شوې۔ ده ووئيل ډلې په دې خبره متفق شوي چې دواړه هېوادونه په مشتركه توګه به تجارت او سرمايه كارۍ كښې د مرستې نوې كچې لپاره هلې ځلې كوي دغسې چې د دواړو هېوادونو روښانه سباٶن باوري كړې شي۔ ده د دواړو هېوادونو ترمېنځنه دفاعي او د امنيتي مرستې لا زياتولو لپاره د خپلې مرستې باور وركولو سره ووئيل دا مهال ماليزيا كښې زده كړه كوٶنكي د زرګونو په شمېره پاكستانيان به په اولسي كچه د رابطو په مضبوطولو كښې مرسته وكړي۔ ده ووئيل د ماليزيا پرمختګ د ټولو اسلامي هېوادونو لپاره د رول ماډل په توګه وړاندې كول پكار دي چرته چې نېغ په نېغه غېر ملكي سرمايه كاري او برامدات كښې اضافه روانه ده۔ ده ووئيل دواړو ډلو په غزه كښې په زړه دړدېدونكي صورتحال هم د خيالاتو څرګندونه وكړه چرته چې بې ګناه ماشومان٬ مېرمنې او ځوانان شهيدان كېږي۔ دوي ووئيل د اسرائيل ځواكونو لخوا غېر معمولي نسل كشي او د قتل عام له مخې په غزه كښې ښارونه ړنګولې كېږي او دواړو ډلو په سمدستي توګه په جنګ بندۍ هم زور راوړو۔ وزيراعظم شهباز شريف ووئيل دواړو ډلو د كشمير په كشاله هم د خيالاتو څرګندونه وكړه چرته چې د تېرو څو لسيزو راهېسې د لويو قربانيو وركولو باوجود ځائي اولس د خپلواكۍ حق څخه محروم ساتلې كېږي، د زرګونو په شمېر كشميريان شهيدان كړې شوي او زيات كسان په تهرډ كلاس زندانونو كښې نظر بند دي او هغوي ته سختې سزاګانې وركولې كېږي۔ دوي هيله څرګنده كره چې د ملګرو ملتونو د سلامتي كونسل د قرارردادنو او د كشميريانو هيلو له مخې به دوي ته د خپلواكۍ حق ډېر زر ترلاسه شي۔ وزيراعظم انور ابراهيم ووئيل دواړو هېوادونو په شمېر چارو اتفاق كړے او په پرېكړو ئې په تندۍ سره عملدرامد باوري كولو لپاره په اكتوبر كښې په کوالالمپور كښې د مشتركه كمېشن په غونډه كښې په دې د خبرو كولو پرېكړه كړې۔ ده باور وركړو چې د دواړٶ هېوادونو ترمېنځه به اقتصادي مرسته قوي كولو لپاره ډېر زر په كراچۍ كښې ملايئشن ټرېډ آفس پرانستلې شي۔ ده ووئيل ماليزيا د آئي ټي، مصنوعي ذهانت او سيمي کنډکټر پشمول په بېلا بېلو څانګو كښې د نور هنر مند افرادي قوت په لټون كښې دے
پاکستان او ماليزيا تجارت او سرمايه کارۍ كښې مرستې زياتولو ته صلاح شول ٬ د غزه او کشمير پشمول د سيمه ايزو چارو په اړه د خپل قوي دريځ پخلے٬ د وزيراعظم شهباز شريف د ماليزيا خپل همڅنګ انور ابراهيم سره خبري كنفرنس
مضمون کا ماخذ : میگا ملینز لائیو ڈرا
متعلقہ مضامین
.jpg)
