اسلام آباد ۔ 3 جنوری (اے پی پی) وزیراعظم دی معاون خصوصی اطلاعات ونشریات ڈاکٹر فردوس عاشق اعوان آکھیے جو پارلیمنٹ دے اندر اہم قومی سلامتی دے مسئلے تے قانون سازی دا عمل شروع تھئے او ملک دی سلامتی دا معاملہ اے جیں تے پوری قوم ہک مٹھ اے ،آئینی لحاظ نال قانون اچ جیرھا سقم ہئی انکوں ہک پاسے کیتا ویندا پئے ۔ پاکستان دے دشمناں کوں پتہ ہووے جو قوم اپنڑی مسلح فوج دے رلے کھڑی اے ،سویلین بالادستی دے پاسے اہم پیشرفت اے اگر قیادت اچ وژن تے بصیرت ہووے تاں ملکی تقدیر بدل سگدی اے ، سرحداں اتے خطے دی صورتحال کشیدہ اے ایں صورتحال اچ پاکستان دیاں ساریاں سیاسی جماعتاں قومی مفاد اچ سیاسی مفاد کوں کنڈ پچھوں سٹیندے ہوئیں قومی یکجہتی دا مظاہرہ کیتے تے اپنڑی فوج کوں تقویت ڈتی جیویں سیاسی قیادت دانش مندی تے سیاسی بصیرت دا مظاہرہ کیتے او لائق تحسین اے ،وزیراعظم عمران خان دی قیادت اچ ادارے ہک مٹھ رہسن ۔اے گال اناہں جمعے کوں پارلیمنٹ ہاﺅس دے باہروں نال گال مہاڑ کریندے ہوئیں آکھی اے ،انہاں آکھیے جیں ڈے ذمے واری اے اختیار ویں ہوونڑاں چاہیدے ، پارلیمنٹ جمہوری عمل کوں اتھارٹی نال اگوں ودھائے تے جیں انداز نال اتھارٹی کوں ہک مٹھ کرنڑ دی مثال قائم کرنڑ ویندی پئی اے ایندے نال ملکی دفع کوں مزید مضبوط کرنڑ اچ مدد مل ویسی ۔ ڈاکٹر فردوس عاشق اعوان آکھیا جو وزیر اعظم اپنڑی پارلیمانی پارٹی دے اجلاس نال خطاب کریندے ہوئیں آکھیے جو عوامی نمائندے عوام کوں جواب ڈیونڑاں ہوندے ۔جواب ڈیونڑ دے عمل کوں مضبوط بنڑا تے عوام دے سامنڑے سرخرو تھی سگدن ،پارلیمنٹ دی بالادستی جمہوریت دی حقیقی تصویر اے جیرھی جو اداریں کوں تقویت ڈیندی اے ۔انہاں آکھیا جو گورننس تے دفاع دیاں ذمے واریاں وزیراعظم دیاں ہن جمہوری عمل دا آغاز تھئے ۔
ملکی سلامتی دے معاملے تے پوری قوم ہک مٹھ اے ،پاکستان دے دشمناں کوں پتہ ہووے قوم مسلح فوج دے رلے کھڑی اے ، ڈاکٹر فردوس عاشق اعوان
مضمون کا ماخذ : como jogar lotomania
متعلقہ مضامین
