اسلام آباد۔30اکتوبر(اے پی پی) د سېنېټ چيئرمېن صادق سنجراني بلوچستان كښې د آوارن په كھوړو سيمه كښې په امنيتي ځواكونو د ترهګرو لخوا د ډزو سخته غندنه كړې ده۔ د ګل په ورځ د سېنېټ سېكرټرېټ لخوا د جاري شوي بيان له مخې د سېنېټ چئيرمېن د ترھګرو د بريد په نتيجه كښې د شهيدو شوو اهلكارو كورنيو سره غمرازي ښكاره كړې ۔ ده د ژوبل شوو امنيتي اهلكارو زر روغتيا لپاره دعا هم وكړه۔ ده ووئيل ترهګر د پرمختګ عمل لاره نيول غواړي خو هغوي به په دې كښې كله هم كامياب نه شي۔ ده ووئيل د ترهګرۍ په ضد جنګ كښې د پاكستان امنيتي ځواكونو بلها قربانۍ وركړي كومې به چې بې ځايه نه ځي۔ ده ووئيل پاكستان به په منطقه كښې امن لپاره د ترھګرۍ په ضد غږ تل پورته كوي۔ ده ووئيل دا ډول بزدلانه بريدونه سره د امن وضعه له مينځه وړلې كېدې نه شي۔ ده زياته كړه چې امنيتي ځواكونه د ترھګرۍ لعنت ختمولو عزم لري۔
د سينيټ چيئرمين صادق سنجراني د آواران په كھوړو سيمه كښې په امنيتي ځواكونو د ترهګر بريد غندنه وكړه
مضمون کا ماخذ : میگا ملینز لاٹری
متعلقہ مضامین
.jpg)
