کراچۍ۔12فروری(اے پی پی) د پاکستان پيپلز پارټۍ چيئرمېن او د بهرنيو چارو وزير بلاول بهټو زرداري وئيلي دي چې ښځو ته د مساوي حقونو ورکولو نه غير د بشري حقونو احترام کول ناممكنه دي۔ د ميډيا سېل بلاول هاؤس لخوا جاري شوي بيان له مخې بلاول بهټو زرداري د ښځو د ملي ورځې په مناسبت خپل پېغام كښې د پاكستان ټولو مېندو، خوېندو او لوڼو پشمول ټول ملت ته مباركي وركولو سره ووئيل دا ننۍ ورځ جمهوريت لپاره د پاكستاني مېرمنو د ستړو او د آمريت په ضد د هغوي د مقاومت په ډاګه كولو ورځ ده۔ ده ووئيل پاكستانۍ مېرمنې د ځانګړې مړانې ٬ سترو صلاحيتونو او مضبوطې حوصلې استعاره دي۔ ده ووئيل مادر ملت فاطمه جناح ٬ مادر جمهوريت بېګم نصرت بھټو او شهيد بېنظير بھټو نړۍ لپاره نمونې دي۔ ده ووئيل چې دا زما لپاره د وياړ وړ خبره ده چې پاكستان پيپلز ګوند د هېواد هغه يوازينې ګوند دے د كوم مشري چې دوه مېرمنو كړې ده۔ چیئرمېن بلاول بھټو زرداری ووئيل د 1973 آئین مېرمنو ته د نمائندګۍ ٬ تحفظ او پرمختګ مساوي موقعو وركولو ضمانت وركوي۔ د پی پی پی چیئرمېن د هېواد مېرمنو ته باور وركولو سره ووئيل پاكستان پپيلز ګوند به هر شكل كښې د امتياز او استحصال خاتمې له د پاكستاني مېرمنو د ھڅو ملاتړ كوي۔
مېرمنو ته د مساوي حقونو ورکولو نه غير د بشري حقونو احترام ناممكن دے٬ د بلاول بھټو زرداري د مېرمنو قومي ورځې په موقعه پېغام
مضمون کا ماخذ : پیش گوئی اور حکمت عملی
متعلقہ مضامین
.jpg)
