اسلام آباد ۔ 07 نومبر (اے پی پی) وفاقی وزیر امور کشمیر و گلگت بلتستان علی امین خان گنڈاپور آکھیے جوحکومت مسئلہ کشمیر کوں عالمی سطح تے چنگے انداز اچ چاتے ۔وزیراعظم عمران خان پاکستان کوں جگ اچ کھلے تھیونڑ توں نجات ڈیوائی ،5اگست دے باھرتی اقدامات سارے کشمیریاں کوں ہک مٹھ کرڈتے جیرھا جو آر ایس ایس اتے بی جے پی دے ہندو انتہا پسند فاشسٹ ایجنڈے کوں پوری دنیا اچ بے نقاب کریندے پن ۔ وفاقی وزیر نال کشمیر سٹیٹسٹک سنٹر اتے ایسوسی ایشن آف ڈسپلیسڈ کشمیری جرنلسٹ دے وفد ملاقات کیتی۔ انہاں آکھیے جو بھارت اچ مسلماناں سمیت ساریاں اقلیتاں کوں نشانہ بنڑایا ویندا پئے انہاں آکھیے جو مسئلہ کشمیرتے عالمی رائے عامہ تکھے پاکستان دے حق اچ تھیندی پئی اے ۔انہاں دنیا تے واضح کرڈتے جو کشمیریاں کوں حق خود ارادیت ڈیواونڑ کیتے چھیکڑی حد تئیں ویسوں،علی امین گنڈا پور آکھیے جو مسئلہ کشمیر دے حل کیتے اقوام متحدہ کوں کردار ادا کرنڑاں ہوسی ۔
حکومت مسئلہ کشمیر کوں عالمی سطح تے چنگے انداز اچ چاتے، وفاقی وزیر امور کشمیر و گلگت بلتستان علی امین خان گنڈاپور
مضمون کا ماخذ : اسکریچ کارڈز کی جیت
متعلقہ مضامین
