اسلام آباد ۔16 جون(اے پی پی) بے نظیر انکم سپورٹ پروگرام دی چیئرپرسن ماروی میمن آکھیا جو 22عالمی مالیاتی اداریاں پاکستان دی معیشت تے اعتماد دا اظہار کیتے،بجٹ دے اعدادوشمار تے شکوک و شبہات دا کوئی جواز کائنی،بے نظیر انکم سپورٹ پروگرام نال53لکھ بندے فائدہ چیندے پئن ۔پروگرام دی رقم 40ارب روپے توں ودھا کراہیں اساڈی حکومت115ارب روپے کر ڈتی اے۔ایں نال معاشرے دے غریب اتے پسماندہ طبقیاں کوں ریلیف ملسی۔خمیس کوں قومی اسمبلی اچ بجٹ2016-17ء تے بحث اچ حصہ گھندیں ہوئیں انہاں آکھیا جو سار ے شعبیاں اچ شرح نمو اچ بہتری آئی اے جنہاں دا انہاں تفصیل نال ذکر کیتا۔انہاں آکھیا جو وزیراعظم یوتھ لون پروگرام سانگے20ارب رکھیے گئن جئیں نال غریباں کوں فائدہ تھیسی۔
مضمون کا ماخذ : پاکستان لاٹری ٹکٹ
