اسلام آباد۔5فروری(اے پی پی)وفاقی وزیر اطلاعات و نشریات چوہدری فواد حسین آکھیے جو نریندر مودی ہٹلر دے نظریئے تے ٹردا پئے جیڑھا بھارت اچ ہندوتوا نظریہ مسلط کرݨ چاہندے، مودی حکومت دی غیر ذمہ دارانہ، غیر قانونی اتے جابرانہ پالیسیاں پاروں اڄ خطہ کئی مواقع توں محروم اے، تنازعہ کشمیر دا منصفانہ و دیرپا حل ہی خطے اچ پائیدار امن اتے ترقی دا ہکو رستہ اے۔ یوم یکجہتی کشمیر تے اپݨے سنیہے اچ انہاں آکھیے جو بھارت دی ہندونواز حکومت عالمی ذمہ داریاں سمڄھݨ ہی نئین چاہندی، اساں کشمیریاں دی ہر سطح تے حمایت جاری رکھسوں، ساکوں پورا یقین اے جو کشمیری عوام بھارت دے جبر اتے ناجائز قبضے دے خلاف ایں جرآت مندانہ جدوجہد اچ سرخرو تھیسن، اساں کشمیری عوام دی اخلاقی، سیاسی و سفارتی حمایت جاری رکھسوں۔
مضمون کا ماخذ : اسکریچ کارڈز خریدیں
