اسلام آباد۔1فروری(اے پی پی)وفاقی وزیر خزانہ ومحصولات شوکت ترین آکھیے جو حکومت پی آئی اے دا وقار بحال کرݨ اتے منافع بخش ادارہ ٻݨاوݨ کیتے کم کریندی پئی اے۔ اے ڳالھ انہاں پی آئی اے دے کارپوریٹ بزنس پلان 2022-26 سانڳے اجلاس دی صدارت کریندے آکھی۔ وفاقی وزیر ہوا بازی غلام سرور خان، سیکرٹری ایوی ایشن، سیکرٹری خزانہ، سیکرٹری اقتصادی امور ڈویژن، پی آئی اے دے بورڈ آف ڈائریکٹرز دے ممبران، سی ای او پی آئی اے اتے ٻعے افسران موجود ہن۔ اجلاس اچ آئی اے ٹی اے دے غیر ملکی کنسلٹنٹ ولوں پی آئی اے دے کارپوریٹ بزنس پلان 2022-26 تے تفصیلی بریفنگ ݙتی اتے نیٹ ورک ودھاوݨ سودھا پنڄ سالہ ریکوری روڈ میپ دا وی ݙسایا۔ وزیرخزانہ زور ݙتے جو پی آئی اے قومی پرچم بردار ائیرلائن اے جیکوں عالمی معیار دی ایئر لائن ٻݨاوݨ دی لوڑھ اے۔
مضمون کا ماخذ : گونزو کی تلاش
