اسلام آباد۔21دسمبر(اے پی پی)وزیراعظم عمران خان آکھیے جو سابق حکمراناں دی توجہ عوام تے نئیں ڈالراں تے رہی اتے عوامی مفادات دے خلاف خارجہ پالیسیاں ٻݨایاں ڳین، غلط فیصلیاں پاروں ملک کوں وݙا نقصان چاوݨا پئے، کہیں کوں ݙوہ ݙیوݨ دی بجائے درست فیصلے کرݨے چاہیدن۔ اے ڳالھ انہاں وزارت خارجہ اچ تقریب نال خطاب کریندے آکھی جو او آئی سی اجلاس دے بعد افغانستان کیتے ڄڳ دی سوچ ساݙے نال اے، افغانستان دے ابھردے انسانی المیے تے فوری اقدامات دی لوڑھ اے، تھوڑے ویلھے اچ وزرائے خارجہ کوں کٹھا کرݨ وݙی ڳالھ اے، آندا او آئی سی اجلاس ایں توں وی چنڳاں کیا ویسی، کرونا دے باوجود پاکستان دا تشخص پہلے توں چنڳاں تھئے، جیکر اصولاں توں ہٹ تے فیصلے کیتے ونڄن تاں نقصان تھیندے، قوم کوں خود اعتمادی دی لوڑھ اے، قانون دی حکمرانی اتے غریب عوام تے توجہ ساݙی ترجیح اے۔
مضمون کا ماخذ : بڑا برا بھیڑیا۔
