اسلام آباد۔18دسمبر (اے پی پی) وزیراعظم عمران خان آکھیا جو دنیا افغانستان تے توجہ نہ ݙتی تاں انسانی المیہ تھی سڳدے، اسی لکھ کشمیری ہک کھلی جیل اچ زندگی گزریندے پئن۔ کشمیر دا مسئلہ ہر فورم تے چیسوں، میݙی سیاست دا مقصد پاکستان کوں کرپٹ حکمراناں اتے مافیاز توں پاک کر تے اینکوں صحیح معنیاں اچ ہک اسلامی فلاحی ریاست ٻݨاوݨ اے، نبی کریمﷺ میݙے رول ماڈل ہن، کوشش اے جو پاکستان کوں فلاحی ریاست ٻݨائوں، ، نبی کریم ﷺ دی تعلیمات کوں عام کرݨ کیتے رحمت اللعالمین ﷺ اتھارٹی ٻݨائی اے، قانون دی حکمرانی دے بغیر کوئی معاشرہ مہذب نی ٻݨ سڳدا، میݙی ساری جدوجہد اشرافیہ دے خلاف اے، پاکستان تے ݙو کرپٹ ٹٻراں حکومت کیتی، کورونا پاروں ساری دنیا اوکھ اچ ہئی، دہشت گردی دا کہیں مذہب نال کوئی تعلق کائنی۔ اے ڳالھیں انہاں الجزیرہ ٹی وی کوں انٹرویو ݙیندیں ہوئیں آکھی۔ وزیراعظم آکھیا جو عدل تے انصاف اتے قانون دی حکمرانی مہذب معاشریاں دی بنیادی اقدار ہوندی اے۔ میݙی سیاست دا مقصد پاکستان کوں کرپٹ حکمراناں اتے مافیاز توں پاک کر تے اینکوں صحیح معنیاں اچ ہک اسلامی فلاحی ریاست ٻݨاوݨ اے، نبی کریمﷺ میݙے رول ماڈل ہن، کوشش اے جو پاکستان کوں فلاحی ریاست ٻݨائوں۔ انہاں آکھیا جو اسی لکھ کشمیری ہک کھلی جیل اچ زندگی گزریندے پئن۔ کشمیر دا مسئلہ ہر فورم تے چیسوں، اساں اے معاملہ اسلامی تعاون تنظیم اچ چاتے اتے اسلامی مکاں نال ڳالھ وی کیتی اے، اسلامی ملکاں دے بھارت نال آپݨے تعلقات ہن اتے تساں انہاں توں کوئی ودھ توقع نی رکھ سڳدے، پر پاکستان آپݨے طور اے فرض سمجھدے جو کشمیر دا مسئلہ ہر فورم تے چائوں۔ روایتی پاکستانی لباس پاوݨ بارے ہک سوال دے جواب اچ انہاں آکھیا جو میں ملک دا وزیراعظم ہم، نوے فیصد توں ودھ لوک ایجھے کپڑے پیندن، میں آپݨے لوکاں دی نمائندگی کرینداں تاں جیڑھے عوام کپڑے پیندی اے میں وی اوہو جیہا لباس پینداں۔
دنیا افغانستان تے توجہ نہ ݙتی تاں انسانی المیہ تھی سڳدے، اسی لکھ کشمیری ہک کھلی جیل اچ زندگی گزریندے پئن، وزیراعظم عمران خان
مضمون کا ماخذ : گولڈ رش
متعلقہ مضامین
