اسلام آباد۔14دسمبر (اے پی پی):وزیر خارجہ شاہ محمود قریشی آکھیے جو بدعنوانی غربت مکاوݨ، معیار زندگی کوں بہتر بݨاوݨ اتے لوکاں کوں معیاری صحت اتے تعلیم ݙیوݨ اچ بنیادی رکاوٹ اے۔ ۔عالمی برادری کوں پوری دنیا دے لوکاں دے بہتر مستقبل کوں یقینی بݨاوݨ کیتے بدعنوانی دے چیلنج توں موثر انداز اچ نبݨنا چاہیدے ۔منڳل کوں مصر دے تفریحی مقام شرم الشیخ اچ اقوام متحدہ دے بدعنوانی دے خلاف کنونشن توں متعلق ریاستی جماعتاں دی کانفرنس دے نویں اجلاس توں ورچول خطاب کریندے ہوئیں وزیر خارجہ آکھیے جو کووڈ۔ 19 دی عالمگیر وبا بدعنوانی دی لعنت توں پیدا تھیوݨ آلی عدم مساوات کوں نشابر کرݙتے ۔وزیر خارجہ پوری دنیا اچ لوکاں دے چنڳے مستقبل کوں یقینی بݨاوݨ کیتے بدعنوانی دے چیلنج توں مؤثر طریقے نال نبݨݨ تے زور ݙتے ۔بدعنوانی کوں روکݨ اتے ایندے نال نبݨݨ کیتے حکومت دی طرفوں کیتے ڳئے اقدمات کوں نشابر کریندے ہوئیں وزیر خارجہ آکھیے جو پاکستان احتساب، شفافیت اتے استحکام دی غرض نال مستحکم نظام دی تعمیر تے اینکوں مضبوط بݨاوݨ کیتے ٻہوں سارے اقدامات کیتن ۔ پاکستان سرکاری شعبے اچ شفافیت اتے کھلے پن کوں ودھارا ݙیوݨ کیتے موجودہ قانون قانون سازی کیتی اے جیں اچ شہریاں دے معلومات دے حق دے حصول اچ سہولت ݙیوݨ اے ۔
بدعنوانی غربت مکاوݨ، معیار زندگی کوں بہتر بݨاوݨ اتے لوکاں کوں معیاری صحت اتے تعلیم ݙیوݨ اچ بنیادی رکاوٹ اے،وزیر خارجہ شاہ محمود قریشی
مضمون کا ماخذ : como apostar na mega sena
متعلقہ مضامین
