اسلام آباد۔6دسمبر (اے پی پی):صدر مملکت ڈاکٹر عارف علوی پاݨی دی گھٹکی اتے گلوبل وارمنگ تے قابو پاوݨ کیتے مربوط اقدامات دی لوڑھ تے زور ݙیندے ہوئیں آکھیے جو آبی وسائل دے تحفظ اتے مینجمنٹ کیتے مزید تحقیق توں مثبت نتائج برآمد تھیسن، حکومت ملک اچ پاݨی دی ودھدی ہوئی کمی دے مسئلے دے حل کیتے بھرپور کوششاں کریندی پئی اے ۔ اے ڳال انہاں سنوار کوں اتھاں پاݨی دے استعمال دے مؤثر نظام تے بین الاقوامی کانفرنس توں خطاب کریندے ہوئیں آکھی اے ۔ کانفرنس اچ وفاقی وزیر سائنس و ٹیکنالوجی سینیٹر شبلی فراز، پاکستان کونسل آف ریسرچ ان واٹر ریسورسز دے چئیرمین ڈاکٹر محمد اشرف، انٹرنیشنل واٹر مینجمنٹ انسٹیٹیوٹ دے ڈائریکٹر جنرل مارک سمتھ، انسٹیٹیوٹ دے پاکستان اچ نمائندہ ڈاکٹر محسن حفیظ، انٹرنیشنل واٹر مینجمنٹ انسٹیٹیوٹ دی ممبر بورڈ آف ڈائریکٹرز سیمی کمال سودھے موسمیاتی اتے آبی ماہرین شرکت کیتی۔ صدر مملکت تقریب توں خطاب کریندے ہوئیں آکھیے جو پوری دنیا کوں گلوبل وارمنگ اتے بئے موسمیاتی چیلنجز دا سامݨا اے، حکومت پاݨی دے ذخائردی بہتری کیتے کم کریندی پئی اے ، زراعت دے شعبے اچ پاݨی دا بہتر استعمال ٻہوں ضروری اے ، انہاں کانفرنس دے انعقاد کوں خوش آئند قرار ݙیندے ہوئیں آکھیے جو سابق چیف جسٹس پاݨی دی سٹوریج دے حوالے نال ٻہوں کم کیتے ۔
پاݨی دی گھٹکی اتے گلوبل وارمنگ تے قابو پاوݨ کیتے مربوط اقدامات دی لوڑھ اے ، صدر مملکت ڈاکٹر عارف علوی
مضمون کا ماخذ : آن لائن اسکریچ کارڈز
متعلقہ مضامین
