اسلام آباد۔3دسمبر (اے پی پی) وزیر اعظم عمران خان انسداد پولیو کیتے صوبائی اتے ضلعی حکومتاں دی کوششاں دی تعریف کریندیں ہوئیں آکھیا جو پرے دے علقے اتے اوکھے علاقیان تئیں پجݨ آلے پولیو ورکرز قومی خدمات ݙیندے پئن، چنڳی کارکردگی تے انعام ݙیوݨ دا پلان ٻݨایا ونڄے۔اساں ساریاں کوں رل تے پولیو کوں مکاوݨا اے، کورونا دی نویں قسم اومیکرون کوں ݙیکھدیں ہوئیں ویکسین دی مہم کوں ٻیا تکھا کیتا ونڄے۔ اے ڳالھیں انہاں جمعے کوں آپݨی صدارت اچ انسداد پولیو مہم بارے جائزہ اجلاس دی صدارت کریندیں ہوئیں آکھی۔ اجلاس اچ وزیراعظم دے معاون خصوصی برائے قومی صحت ڈاکٹر فیصل سلطان، پارلیمانی سیکریٹری صحت ڈاکٹر نوشین حامد اتے اعلی عہدے دار شریک تھیے جڈانجو پنجاب، سندھ، خیبر پختونخوا اتے بلوچستان دے چیف سیکریٹریز اتے 30 توں ودھ ضلعیاں دی ڈپٹی کمشنرز ویڈیو لنک توں شریک تھیے۔ اجلاس اچ وزیراعظم کوں ݙسیا ڳیا جو بین الاقوامی ادارے حکومت پاکستان دی کورونا اتے پولیو توں بچائو کیتے موثر اقدامات کوں منیندن۔ ایں موقع تے وزیر اعظم عمران خان انسداد پولیو کیتے صوبائی اتے ضلعی حکومتاں دی کوششاں دی تعریف کیتی۔
پرے دے علاقے اتے اوکھے علاقیاں تئیں پجݨ آلے پولیو ورکرز قومی خدمات ݙیندے پئن، چنڳی کارکردگی تے انعام ݙیوݨ دا پلان ٻݨایا ونڄے، وزیراعظم عمران خان دی ہدایت
مضمون کا ماخذ : لاٹری جیتنے کے نمبر
متعلقہ مضامین
