راولپنڈی۔5اکتوبر(اے پی پی) آرمی چیف جنرل قمر جاوید باجوہ آکھیے جو بھارتی پروپیگنڈا اپݨے اندرونی فساد توں توجہ ہٹاوݨ دی ناکام کوشش اتے بھارتی فوج دی بوکھلاہٹ کوں ظاہر کریندے، ملکی سلامتی اتے علاقائی استحکام سانڳے ہر حد تئیں ویسوں۔ پاک فوج دے شعبہ تعلقات عامہ (آئی ایس پی آر) موجب آرمی چیف جنرل قمر جاوید باجوہ دی صدارت اچ 244 ویں کور کمانڈرز کانفرنس جنرل ہیڈ کوارٹرز (جی ایچ کیو) اچ تھئی۔ کانفرنس دے شرکا بارڈر مینجمنٹ اتے داخلی سلامتی تے خصوصی توجہ دے نال نال خطے اچ سلامتی دی سؤرتحال دا جائزہ ڳھدا۔ سپہ سالار فارمیشنز دی آپریشنل تیاریاں دی تعریف کریندے غیرملکی افواج نال تعاون اتے کٹھیاں مشقاں ودھاوݨ تے زور ݙتا۔ کور کمانڈرز کانفرنس ملک کوں غیر مستحکم کرݨ، امن و استحکام کوں خراب کرݨ کیتے دشمن قوتاں دے مذموم عزائم ناکام ٻݨاوݨ سانڳے اقدامات تے غور کیتا ڳیا۔ کانفرنس بھارتی فوج دے پاکستان مخالف پروپیگنڈے دا وی نوٹس ڳھندے ملکی، علاقائی سالمیت دی حفاظت کیتے ہر اقدام کرݨ دا عزم دوہرائے۔ چیف آف آرمی سٹاف جنرل قمر جاوید باجوہ آکھیے جو پاکستان دے خلاف بھارت دا بے بنیاد پروپیگنڈا صرف انہاں دی مایوسی اتے اپݨے اندرونی جھیڑھے تون کوشش ہٹاوݨ دی ناکام کوشش اے۔ کانفرنس افغانستان اچ انسانی ہمدردی اتے سلامتی دی صورتحال تے چنتا کریندے افغانستان اتے خطے اچ امن و استحکام سانقے عالمی برادری کوں اڳو آوݨ دا آکھیے۔
کور کمانڈرز کانفرنس؛ بھارتی پروپیگنڈا اندرونی فساد، بھارتی فوج دی بوکھلاہٹ توں توجہ ہٹاوݨ دی کوشش اے، آرمی چیف جنرل قمر جاوید باجوہ
مضمون کا ماخذ : ایزٹیک واریر شہزادی
متعلقہ مضامین
