اسلام آباد، نیویارک۔24ستمبر (اے پی پی):وزیر خارجہ مخدوم شاہ محمود قریشی آکھیے جوافغانستان اچ پائیدار امن اتے استحکام خطے کیتے ٻہوں اہمیت رکھیندے۔ جمعے کوں ترجمان دفتر خارجہ موجب وزیر خارجہ نیویارک اچ اقوام متحدہ دی جنرل اسمبلی دے 76 ویں اجلاس دے موقع تے جاپان دے اپݨے ہم منصب توشی مِٹسو موتیجی نال ملاقات کیتی ، ݙوہیں وزرائے خارجہ وچال ݙو پاسے تعلقات ، افغانستان دی صورتحال سودھے سانجھی دلچسپی دے ٻئے امور تے ڳال مہاڑ تھئی ۔وزیر خارجہ آکھیے جو پاکستان جاپان دے نال آپݨے سیاسی اتے معاشی تعلقات کوں ٻہوں اہمیت ݙیندے ۔ پاکستان جاپان کوں ھک ترقیاتی حوالے نال قابل اعتماد شراکت دار سمجھدے ، مخدوم شاہ محمود قریشی آکھیے جو اساں 2022ء اچ پاکستان اتے جاپان دے سفارتی تعلقات دی 70 ویں سالگرہ کوں پرجوش انداز اچ مناوݨ دا ارادہ رکھیندوں ،وزیر خارجہ پاک جاپان سانجھے تعلقات کوں مزید مستحکم بݨاوݨ تے سانجھی دلچسپی دے شعبیں اچ تعاون ودھاوݨ کیتے مشترکہ کوششاں بروئے گھن آوݨ دی ضرورت تے زور ݙتے ۔۔وزیر خارجہ مخدوم شاہ محمود قریشی اپݨے جاپانی ہم منصب کوں افغانستان دی ابھردی ہوئی صورتحال دے حوالے نال پاکستان دے نقطہ نظر بارے ݙسایا تے آکھیے جو افغانستان اچ پائیدار امن اتے استحکام دا قیام خطے کیتے ٻہوں اہمیت رکھیندے ۔
افغانستان اچ پائیدار امن اتے استحکام خطے کیتے ٻہوں اہمیت رکھیندے ،وزیر خارجہ مخدوم شاہ محمود قریشی دی جاپانی ہم منصب ںال ملاقات اچ ڳال مہاڑ
مضمون کا ماخذ : prêmios lotofácil
متعلقہ مضامین
