اسلام آباد۔2ستمبر (اے پی پی):وزیر خارجہ مخدوم شاہ محمود قریشی نال انہاں دے آسٹریا دے ہم منصب الیگزینڈر شیلنبرگ خمیس کوں ٹیلی فونک رابطہ کیتے۔ݙوہیں وزرائے خارجہ پاکستان اتے آسٹریا وچال تجارت، سرمایہ کاری، اعلیٰ تعلیم، سیاحت اتے کلچر دے شعبیں اچ ݙو پاسے تعاون ودھاوݨ تے اتفاق کیتے۔دفتر خارجہ موجب ݙوہیں وزرائے خارجہ وچال ݙو طرفہ تعلقات ،افغانستان دی موجودہ صورتحال سودھے سانجھی دلچسپی دے امور تے ڳال کیتی ۔وزیر خارجہ مخدوم شاہ محمود قریشی آسٹریا دے وزیر خارجہ کوں افغانستان دی صورتحال دے حوالے نال پاکستان دے نقطہ نظر بارے ݙسایا تے آکھیے جو پاکستان، افغانستان اچ اجتماعیت دے حامل سیاسی تصفیے دا حامی اے۔شاہ محمود قریشی آکھیے جو اساں سارے افغان گروہاں کوں جامع سیاسی تصفیے کیتے سنجیدہ کاوشاں کرݨ دی ترغیب ݙیندے پیوں ۔موجودہ صورتحال اچ افغان شہریاں دی سیکورٹی اتے انہاں دے حقوق دے تحفظ کوں یقینی بݨاوݨ دی لوڑھ اے ۔آسٹریا دے وزیر خارجہ کابل توں آسٹرین شہریاں دے انخلاء اچ ،پاکستان دی طرفوں کیتے ڳئے تعاون تے وزیر خارجہ مخدوم شاہ محمود قریشی اتے پاکستانی قیادت دا شکریہ ادا کیتے۔
وزیر خارجہ نال آسٹریا دے ہم منصب الیگزینڈر شیلنبرگ دا ٹیلی فونک رابطہ
مضمون کا ماخذ : quina acumulada
متعلقہ مضامین
