بہاولپور۔11اگست (اے پی پی):وزیرِ اعظم عمران خان ھک ݙینھ دے دورے تے بہاولپور پڄ ڳئن ۔ وزیرِاعظم بہاولپور اچ جنوبی پنجاب دی قیادت نال ملاقات کریسن ، ایندے علاوہ وزیرِ اعظم کوں فعال جنوبی پنجاب سیکرٹریٹ دی کارکردگی اتے بہاولپور ڈویژن اچ ترقیاتی منصوبیں تے تفصیلی بریفنگ ݙتی ویسی ، بعد اچ وزیرِ اعظم حکومت دی زراعت تے خصوصی توجہ دے وژن دے تحت منعقدہ کسان کنونشن اچ مہمانِ خصوصی دے طور تے شریک ہوسن جتھاں نہ صرف جنوبی پنجاب اچ پیداوار دے ودھارے بلکہ کساناں دی معاونت دے منصوبیں دا وی افتتاح کریسن ۔وزیرِ اعظم تقریب توں خطاب وی کریسن ۔ وزیرِ اعظم ملک اچ وݙے پیمانے تے جاری ساوݨ شجر کاری مہم دے سلسلے اچ لال سوہانرہ نیشنل پارک اچ ٻوٹا لیسن اتے اتھاں جنگلات دے تحفظ کیتے جدید ٹیکنالوجی دا جائزہ وی گھنسن ۔
مضمون کا ماخذ : خداؤں کی عمر
