اسلام آباد۔27جولائی (اے پی پی):صدر مملکت ڈاکٹرعارف علوی ملکی معاشی اتے سائنسی ترقی کیتے انفارمیشن ٹیکنالوجی دے شعبے اچ ترقی کیتے فعال اقدامات چاوݨ دی لوڑھ تے زور ݙیندے ہوئیں آکھیے جو عالمی سطح تے ترقیاتی پالیسیاں دا فوکس ترقیاتی منصوبیں توں انسانی وسائل دی فکری ترقی دے پاسے ویندا پئے ، پاکستان کوں انسانی وسائل دی سائنسی اتے فکری ترقی کیتے جدید حکمت عملی اپناوݨ دی لوڑھ اے ، او منڳل کوں نیشنل یونیورسٹی آف کمپیوٹر اینڈ ایمرجنگ سائنسز (این یو سی ای ایس) دے متعلق بریفنگ اجلاس دی صدارت کریندے پئے ہن۔ ریکٹر نیشنل یونیورسٹی آف کمپیوٹر اینڈ ایمرجنگ سائنسز ڈاکٹر ایوب علوی صدر مملکت کوں بریفنگ ݙتی۔ اجلاس اچ چانسلر این یو سی ای ایس وسیم سجاد ، سکریٹری جنرل فاؤنڈیشن ایڈوانسمنٹ آف سائنس اینڈ ٹکنالوجی غلام شبیر ، ممبر بورڈ آف ٹرسٹی ڈاکٹر یو اے جی عیسانی اتے بورڈ آف گورنرز دے ممبر ڈاکٹر ثمر مبارک مند ، جسٹس (ر) میاں محمد اجمل ، احمد فاروق اتے قیصر احمد شیخ شرکت کیتی۔ ریکٹر این یو سی ای ایس ملک اچ انفارمیشن ٹیکنالوجی دی تعلیم دے ودھارے اچ یونیورسٹی دے کردار اتے کارنامیں بارے پریزنٹیشن ݙتی ۔ انہاں ݙسایا جو این یو سی ای ایس ملک دی کمپیوٹر سافٹ ویئر انڈسٹری کوں انسانی وسائل ݙیوݨ آلا ساریں توں وݙا ادارہ اے تے ایں ویلھے یونیورسٹی دے پنج کیمپس اچ 13،000 طلباء مختلف پروگراماں اچ زیر تعلیم ہن ۔
چوتھے صنعتی انقلاب دیاں ضرورتاں کوں سامݨے رکھیندے ہوئیں طلبا کوں تیار کیتا ونڄے، صدر مملکت ڈاکٹر عارف علوی دا این یو سی ای ایس متعلق اجلاس توں خطاب
مضمون کا ماخذ : اسکریچ کارڈز کی جیت
متعلقہ مضامین
