اسلام آباد۔18جولائی (اے پی پی) افغان سفیر دی دھی دے کیس کوں چھکڑی انجام تئیں پڄا تے ملزمان کوں قانون دی کچاری اچ گھن آیا ویسی۔ کیس تے تکھی تفتیش تھیندی پئی اے توقع اے جو ھک ݙو ݙینھ اچ تفتیش دا عمل مکمل تھی ویسی ، بھارت دے سوشل میڈیا ایں کیس کوں ٻہوں چاتے تے بھارتی سوشل میڈیا پراݨی تصویر کوں 16جولائی دے ایں واقعے دے نال رلاوݨ دی کوشش کیتی اے جیڑھی سراسر زیادتی اے ، بھارت پاکستان مخالف سرگرمیاں اچ ملوث اے ،وفاقی وزیر داخلہ شیخ رشید احمد اتوار کوں اتھاں پریس کانفرنس توں خطاب کریندے ہوئیں آکھیے جو افغان سفیر دی دھی آپݨے گھر توں پیدل مارکیٹ ڳئی، اتھوں ٹیکسی تے کھڈا مارکیٹ پڄی تے ول ھک ٹیکسی دے ذریعے راولپنڈی دے ھک شاپنگ مال دے ٻاہر پڄی جیں دی فوٹیج اساں کنے موجود اے۔ انہاں آکھیے جو افغان سفیر دی دھی راولپنڈی توں دامن کوہ پڄی جیں بارے تفتیش جاری اے جو اتھاں کیویں پڄی ، ایں حوالے نال اساکوں تشویش اے۔ وزیر داخلہ آکھیے جو رات ݙو وڄے افغان سفیر دی دھی ولوں تحریری درخواست ملݨ دے بعد ملزمان دے خلاف پاکستان پینل کوڈ دی دفعات 365، 354، 506اتے 34دے تحت مقدمہ درج کیتا ڳئے ۔ انہاں آکھیے جو وزیر اعظم عمران خان ہدایت کیتی ہئی جو ایں کیس کوں وختی توں وختی توڑ پڄایا ویسی ۔ وزیر داخلہ آکھیے جو افغان سفیر دی دھی راولپنڈی توں دامن کوہ تئیں کیویں پڄی ایں حوالے نال تفتیش کریندے پیوں تے شام تئیں توقع اے جو ایں مسئلے کوں حل کر گھنسوں ۔
افغان سفیر دی دھی دے کیس کوں چھکڑی انجام تئیں پڄا تے ملزمان کوں قانون دی کچاری اچ گھن آیا ویسی ،ھک ݙو ݙینھ اچ تفتیش دا عمل مکمل تھی ویسی ، وفاقی وزیر داخلہ شیخ رشید احمد
مضمون کا ماخذ : سانتا کی جنگلی سواری۔
متعلقہ مضامین
