اسلام آباد۔17جولائی (اے پی پی):وزیراعظم عمران خان آکھیے جو حضرت بہاوالدین نقشبند دی شخصیت ولولہ انگیز ہئی جنہاں آپݨی صوفی تعلیمات دے ذریعے لوکاں دے دلاں دے درمیان رابطے دے ودھاوݨ اچ اہم کردار ادا کیتا ، دورہ ازبکستان نال ݙوہیں ملکاں وچال تعلقات اتے دوستی دے نویں دوردا آغاز تھئے ۔ہفتے کوں ازبکستان دے شہربخارااچ صوفی سلسلہ نقش بندیہ دے بانی حضرت بہاوالدین نقشبند دے مزارتے حاضری اتے فاتحہ خوانی دے بعد ازبکستان دے میڈیا نال ڳال مہاڑ اچ وزیراعظم عمران خان آکھیے جو حضرت بہاوالدین نقشبند دی شخصیت ولولہ انگیز ہئی جنہاں آپݨی صوفی تعلیمات دے ذریعے لوکاں دے دل اچ رابطے ودھاوݨ اچ اہم کردار ادا کیتے ۔وزیراعظم آکھیے جو تاریخ دیاں کتاباں اچ اساں ازبکستان بارے جیڑھا کجھ پڑھیے او زیادہ تر امیرتیمور اتے انہاں دی نسل بارے ہن جنہاں ہندوستان تے 300 سال تئیں حکومت کیتی تاں جو عوام وچال رابطے بارے ٻہوں گھٹ علم اے ۔ حضرت بہاوالدین نقشبند جیہی شخصیات اپݨی صوفی تعلیمات دے ذریعہ لوکاں دے درمیاب رابطے جوڑݨ اچ اہم تے کلیدی کردار ادا کیتا ۔وزیراعظم آپݨے دورہ ازبکستان تے خوشی دا اظہارکریندے ہوئیں آکھیے جو ایندے نال نویں دور دا آغاز تھئے ، ݙوہیں ملکاں وچال عوامی رابطے اتے تجارت دے شعبہ کوں ودھارا ملسی جݙاں جو سیاسی رابطے اچ وی ودھارا تھیسی ۔
حضرت بہاوالدین نقشبند دی شخصیت ولولہ انگیز ہئی، دورہ ازبکستان نال ݙوہیں ملکاں دے تعلقات اتے دوستی دے نویں دوردا آغاز تھئے ، وزیراعظم عمران خان دی حضرت بہاوالدین نقشبند دے مزارتے حاضری اتے فاتحہ خوانی دے بعد ازبکستان دے میڈیا نال ڳال مہاڑ
مضمون کا ماخذ : پھل اور سات
متعلقہ مضامین
