اسلام آباد ۔ 7جون (اے پی پی) وفاقی وزیرپارلیمانی امور شیخ آفتاب احمد آکھیا جووزیراعظم محمد نواز شریف توانائی دے منصوبیں کو ںمقررہ وقت دے دوران پورا کرنڑ دی ہدایت کر ڈتی ہے ۔ ریڈیو پاکستان نال گالھ مہاڑ کریندے ہوئیں انہاں آکھیا جو 2013 اچ مسلم لیگ (ن) دی حکومت دے برسراقتدار آندے ویلھے ملک کوں توانائی بحران سمیت مختلف چیلنجز داسامنڑاں ہئی ۔ انھاں آکھیا جو وزیر اعظم ملک کو ںتوانائی بحران توں کڈھنڑ سانگے پرعزم ہن تے مسلم لیگ(ن) چار سالہ دور اقتدار اچ توانائی دے ہائیڈل، سولر ،تھرمل اتے کول منصوبیں دا آغاز کیتا ۔ شیخ آفتاب احمدآکھیا جو وزیراعظم مذکورہ منصوبیں اچ ذاتی دلچسپی گھندے پے ہن انہاں ہدایت کیتی جو توانائی منصوبیں کوں مقررہ ویلھے دے اندر پورا کیتا ونجے ۔ انھاں آکھیا جو وزیراعظم پختہ عزم رہنما ہن تے او توانائی دے بحران تے قابو پاونڑ اچ کامیاب تھی ویسن ۔وفاقی وزیر امید دا اظہار کریندے ہوئیں آکھیا جو موجود ہ حکومت اگلے سال تئیں لوڈشیڈنگ دے پورے خاتمے اچ کامیاب تھی ویسی ۔
وزیر اعظم ملک کو ںتوانائی بحران توں کڈھنڑ سانگے پر عزم ہن، حکومت اگلے سال تئیں لوڈ شیڈنگ دے پورے خاتمے اچ کامیاب تھی ویسی ، شیخ آفتاب
مضمون کا ماخذ : لاٹری ٹکٹ کے فوائد
متعلقہ مضامین
