اسلام آباد ۔ 31 دسمبر (اے پی پی) وزیراعظم دے معاون خصوصی صحت ڈاکٹر ظفر مرزا آکھیے جو معاشرے دے کمزور طبقے کوں بنیادی سہولتاں ڈیونڑ حکومت دی ترجیح اے ،ہیجڑیں کیتے ہیلتھ انشورنس دا اجراءنویں پاکستان دا او رخ اے جیں دا پرچار ضروری اے ،صحت انصاف کارڈ وزیراعظم عمران خان دا وژن ہئی جیں تے عمل کیتا گے۔ منگل کوں اتھاں پریس کانفرنس اچ انہاں آکھیے جو پاکستان تحریک انصاف دی حکومت معاشرے دے کمزور تے پسماندہ طبقات کوں بنیادی سہولتاں دی فراہمی دے ضمن اچ کل اہم اقدام دا اعلان کیتے جیں دے تحت حکومت ہیجڑیں کیتے ہیلتھ انشورنس دا اجرا کیتے ہنڑ صحت انصاف کارڈ سارے ہیجڑے استعمال کرسگسن ۔ انہاں آکھیے جو ٹرانسجینڈر ایکٹ مجریہ 2018ءدے تحت سارے ہیجڑیں کوں صحت دی فراہمی کوں ممکن بنڑایا گے۔انہاں آکھیے جو صحت انصاف کارڈ دی فراہمی دے نظام کوں سوکھا بنڑایا گے تے نادرا اچ رجسٹریشن دے بعد انہاں کوں کارڈ سوکھیں مل ویسن ، اے کارڈ ہنڑ تئیں انہاں لوکاں کوں ڈتا گے جیرھے غربت اچ زندگی گزریندے پن۔ ڈاکٹر ظفر مرزا آکھیے جو نادر اچ رجسٹرڈ ہیجڑیں کوں اے کارڈ ڈتا ونج سگسی، ہیجڑیں دی جنس دے تعین دا عمل بہوں سوکھا کرڈتا گے تے ہیجڑے نادرا اچ اپنڑی جنس متعلق معلومات ڈے سگدن ،جیں دی بنیاد تے انہاں دی رجسٹریشن تھیسی ۔ انہاں آکھیے جو کہیں اپنڑی جنس تریمت یا مرد دے طور تے درج کرائی اے تاں او ہک واری اپنڑی معلومات تبدیل کروا سگدے۔
کمزور طبقے کوں بنیادی سہولتاں ڈیونڑ حکومت دی ترجیح اے ،رجسٹریشن کرتے ہیجڑیں کوں صحت تے بئے شعبیں اچ امداد ڈیونڑ ممکن تھی سگدے ، ڈاکٹر ظفر مرزا دی پریس کانفرنس
مضمون کا ماخذ : لاٹری کھیلنے کا طریقہ
متعلقہ مضامین
