لاہور۔یکم دسمبر(اے پی پی )چیف جسٹس آف پاکستان جسٹس آصف سعید کھوسہ آکھیے جو اللہ تعالیٰ ساکوں انصاف ڈیونڑ اتے امانتاں ولا ڈیونڑ دا حکم ڈتے، مظلوماں کوں انصاف ڈیونڑعبادت اتے جنت کھٹنڑ دے برابر اے،تریمتیں ججاں انصاف کیتے اپنڑاآپ منوائے،اگو تے تیکھے سپریم کورٹ اچ وی تریمتیں ججزلایاں ویسن۔ اے گالھ انہاں لہور اچ پنجاب جوڈیشل اکیڈمی ولوں تریجھی ویمن ججز کانفرنس نال خطاب اچ آکھی۔چیف جسٹس آف پاکستان آکھیے جو جگ اچ تریمتیں دا کردار ودھدا ویندے،ساکوں جیونڑ دے ہر شعبے اچ تریمتیں کوں بااختیار بنراونڑا ہوسی،اج تریمتیں اتے جوان جج اچ فرق مکاونڑا ہوسی کیوں جو تریمتیں جج انصاف ڈیونڑاچ ودھ ذمہ داری اتے تحمل ڈکھیندن۔چیف جسٹس آکھیے جو معاشرے اچ تریمتیں دے حقوق کھسیے ویندن بھل ساکوں تریمتین دے حقوق دا تحفظ کرنڑے،تیکھے سپریم کورٹ اچ وی تریمتیں جج لایاں ویسن۔انہاں ہدایت کیتی جو وکیل تریمت جج دے اگو پیش تھیونڑتوں کڈھواونڑ دی بجائے اپنڑا رویہ اتے سوچ بدلن،رل مل تے عدلیہ کوں میرٹ اتے قانون دے مطابق چلاون۔
مظلوماں کوں انصاف ڈیونڑعبادت اتے جنت گھٹنڑ دے برابر اے،تریمتیں ججاں انصاف کیتے اپنڑاآپ منوائے،چیف جسٹس پاکستان جسٹس آصف سعید کھوسہ داویمن ججز کانفرنس نال خطاب
مضمون کا ماخذ : لاٹری کے اعداد و شمار
متعلقہ مضامین
