لاہور۔ 17 نومبر (اے پی پی) پنجاب حکومت لوکاں کوں پیونڑ دا صاف پانڑی ڈیونڑ کیتے ”آب پاک اتھارٹی “ بنڑاونڑ دا فیصلہ کیتے۔ اے گالھ گورنر پنجاب چوہدری محمد سرورلاہور اچ واٹر فلٹریشن پلانٹ اتے ہک فلاحی ہسپتال دا افتتاح کرنڑ دی تقریب اتے بعد اچ میڈیا نال الویندے آکھی۔ انہاں آکھیا جو اجوکے دور اچ پیونڑ دا صاف پانڑی ہر بندے دی وڈی لوڑھ اے جیندے کیتے حکومت اگونہے اقدامات کریندی پئی اے ایں سانگے لوکاں کوں پیونڑدا صاف پانڑی ڈیونڑ کیتے نویں اتھارٹیے ”آب پاک اتھارٹی “ بنڑیسوں ۔ انہاں آکھیے جو پیونڑ داصاف پانڑی ڈیونڑ حکومت دی ذمہ و اری اے کیوں جوپنجاھ فیصد لوک پیونڑ دا صاف پانڑی نہ ملنڑ اتے مضر صحت پانڑی پیونڑ نال جیونڑ توں محروم تھی ویندن جیہڑا ہک المیہ اے۔
مضمون کا ماخذ : اسٹریٹیجیا لاٹوفاسیل
