اسلام آباد ۔ 30 دسمبر (اے پی پی) وزیر خارجہ شاہ محمود قریشی آکھیے جو مقبوضہ جوں تے کشمیر اچ بھارت مواصلاتی بلیک آﺅٹ تے کرفیو دے نفاذ نال نہتے کشمیریاں دی آواز کوں دباونڑ چاہندے، اے لڑائی کہیں ہک مذہب ، خطے تے زبان تئیں محدود کائنی رہی بلکہ پورے ہندوستان اچ کھنڈ گئی اے ، بھارت کوں ضیان ایں وقت دی ہندوتوا سوچ توں پجدا پئے جتھاں اقلیتاں عدم تحفظ دا شکار ہن ، اساکوں اے وی ڈر اے جو بھارت داخلی انتشار توں توجہ ہٹاونڑ کیتے کشمیر اچ کوئی نواں ناٹک رچا سگدے ، عالمی برادری کوں ایندا نوٹس گھننڑاں چاہیدے ، سنوار کوں ہندوستان تے خطے اچ امن و امان دی تشویشناک صورتحال دے حوالے نال وزیر خارجہ مخدوم شاہ محمود قریشی اپنڑے بیان اچ آکھیے جو یو پی ہندوستان اچ علماءدے نال جیرھا ناروا سلوک کیتا گے ایندے تے ہر ذی شعور انسان دیاں اکھیں اچ ہنجوں ہن، انہاں آکھیے جو پریانکا گاندھی جیہوجی شخصیت کوں جڈاں پولیس دھکے ڈتے تے گل گھٹنڑ دی کوشش کیتی تاں تساں سمجھ سگدو جو عام بندے نال پولیس دا رویہ کیجھا ہوسی ، انہاں آکھیے جو اے کیفیت پورے ہندوستان اچ کھنڈی پئی اے لیکن مودی سرکار ٹس توں مس نی تھیندی پئی او ایں حد تئیں اگوں نکل گن جو واپسی ممکن ڈکھالی نی ڈیندی پئی ۔ انہاں آکھیے جو مقبوضہ جموں و کشمیر اچ کمیونیکیشن بلیک آوٹ اتے کرفیو دے نفاذ نال انہاں نہتے کشمیریاں دی آواز کوں دبا گھدا ہئی لیکن پورے ہندوستان دی عوام کوں کیویں روکیا ونج سگدے ۔
بھارت اچ اقلیتاں عدم تحفظ دا شکار ہن ، ڈر اے جو داخلی انتشار توں توجہ ہٹاونڑ کیتے بھارت کشمیر اچ کوئی نواں ناٹک رچا سگدے ، عالمی برادری کوں نوٹس گھننڑاں چاہیدے ، وزیر خارجہ شاہ محمود قریشی
مضمون کا ماخذ : loteria Ceará
متعلقہ مضامین
