اسلام آباد۔16جون(اے پی پی) د داخله چارو وفاقي وزير محسن نقوي وئيلي دي چې په وفاقي پلازمينه کښې به بهرنيو وګړو لپاره يو بېل فورس (اېس پي يو) جوړولې شي٬ د پاكستان او چين تلپاتې ملګرتيا څوك زيانمنه كولې نه شي٬ داسې كومه هڅه به كاميابېدو ته پرېښودلې نه شي۔ د اتوار په ورځ د داخله چارو وزارت لخوا د جاري شوې اعلاميې له مخې د دې خيالاتو څرګندونه وفاقي وزير محسن نقوي د چين سفارتخانه كښې چينائي سفير جيانګ زي ډونګ سره د ملاقات په مهال خپلو خبرو كښې وكړه۔ په دې موقعه د وزراعظم شهباز شريف د چين په اوسنۍ دوره او په خاص توګه پاك چين اړيكو ته د ودې په وركولو او د چينائي وګړو امنيت لپاره په پورته كړې شويو ګامونو د خيالاتو څرګندونه وشوه۔ په خپلو خبرو كښې وفاقي وزير ووئيل د وزيراعظم شهباز شريف د چين اوسنۍ دورې سره چين سره د ملګرتيا رشته لا مضبوطه شوې ده۔ د چين ٬ صدر وزيراعظم او اعلی مشرتابه تل د پاكستان بشپړ ملاتړ كړے دے۔ داخله وزير محسن نقوي د چين سفير د اسلام آباد په شمول په ګرد هېواد كښې د چينائي وګړو حفاظت له پورته كړې شويو ګامونو او د سي پېك په شمول په نورو منصوبو د كار كوؤنكي چينائي انجينئرانو او عملې سكيورټي پلان په اړه خبر كړو۔د چين سفير په امنيتي انتظاماتو د اطمينان څرګندونه وكړه۔ محسن نقوی د چين سفير ته ووئيل چې د چينائي وګړو امنيت له بشپړه او فعاله اېس او پيز وضعه كړې شوي دي۔ په اسلام آباد كښې بهرنيو وګړو لپاره جلا فورس اېس پي يو جوړولې شي۔ ده ووئيل د پاكستان تعمير او پرمختګ لپاره د كار كوؤنكو چينائي ورونړو تحفظ د پاكستاني حكومت اولنۍ ترجيح ده۔ ده ووئيل د چين او پاكستان تلپاتې ملګرتيا څوك زيانمنه كولې نه شي او دا ډول كوم هڅه به كاميابېدو ته پرېښودلې نه شي۔ په ملاقات كښې د چين سفير ووئيل پاكستان او چين د هر موسم ملګري دي، پاكستان سره اړيكې زياتې مهمې ګڼؤ۔ په دې موقعه داخله سېكتر خرم علي آغا او د چينائي سفارت اعلی چارواكي هم موجود وو۔
بهرنيو وګړو لپاره جلا فورس جوړولے شي ٬ كوم سازش به كاميابيدو ته پريښودلے نه شي٬ داخله وزير محسن نقوي
مضمون کا ماخذ : prêmios lotofácil
متعلقہ مضامین
.jpg)
