لاہور۔23فروری(اے پی پی )وفاقی وزیر تعلیم شفقت محمود آکھیے جو ریاست مدینہ دا پہلا بنیادی اصول انصاف اے ، انصاف دے بغیر ریاست مدینہ تشکیل نئی ڈتی ونج سگدی ، انصاف دا تقاضا اے جو پاکستان اچ ہکو جیہا نظام تعلیم ہوونڑاں چاہیدے تے سارے طالب علماں ہکو نصاب پڑھن ، پاکستان کوں سامنڑے آندے چیلنجز کوں سمجھنڑ کیتے تاریخ دا مطالعہ بہوں ضوری اے ،چنگی گال اے جو نظریہ پاکستان ٹرسٹ نویں نسل کوں اپنڑیاں سرگرمیاں دا محور بنڑائے،او ایکوان کارکنان تحریک پاکستان لاہور اچ 11ویں سالانہ نظریہ پاکستان کانفرنس نال بطور مہمان خصو صی خطاب کر یندے پئے ہن ۔ ایں نشست دی صدارت وائس چیئرمین نظریہ پاکستان ٹرسٹ میاں فاروق الطاف کیتی۔وفاقی وزیر تعلیم شفقت محمود آکھیا جو ایں ایوان اچ آونڑ میں کیتے اعزاز دی گال اے ،اے ادارہ پوری قوم کوں تحریک پاکستان ، ڈوقومی نظریہ اتے آزاد وطن دے حصول کیتے ڈتیاں ونجنڑ آلیاں قربانیاں بارے ڈساونڑ دے نال نال پاکستان کوں درپیش چیلنجز دا حل تے مستقببل دا لائحہ عمل ڈسیندا پئے ۔
ریاست مدینہ دا پہلا بنیادی اصول انصاف ہئی ، انصاف دا تقاضا پاکستان اچ ہکو جیہا نظام تعلیم اے ، وفاقی وزیر تعلیم شفقت محمود
مضمون کا ماخذ : لاٹری کے لائیو نتائج
متعلقہ مضامین
