اسلام آباد ۔ 5ستمبر (اے پی پی)وزیرِ خارجہ شاہ محمود قریشی واضح کیتے جو امریکا ڈو مور نئیں، تعلقات چنگے کرنڑ دا تاثر ڈتے، اج دی ملاقات امریکا نال تعلقات اچ سرد مہری تروڑ ڈتی اے،امریکا دے اگواپنڑا موقف حقیقت پسندانہ،بردباری، خودداری اتے ذمہ داری نال رکھیے،اج اے سنیہا گئے جو پاکستان دی عسکری اتے سیاسی قیادت ہک مٹھ اے،افغان مسلے دا صرف سیاسی حل ہی ہے،امریکا نال امداد دی کوئی گالھ نئیں تھئی، امریکی وزیرِ خارجہ دورے دی دعوت ڈتی اے،آندی ملاقات واشنگٹن اچ تھیسی،پہلا دورہ افغانستان دا کریساں۔وزیر خارجہ شاہ محمود قریشی امریکی وزیر خارجہ دے دورے دے حوالے نال میڈیا بریفنگ اچ آکھیے جو امریکا ڈومور دی بجائے تعلقات اچ چنگائی دا تاثر ڈتے، پاک امریکا تعلقات اچ تعطل اتے سرد مہری ہئی جیہڑی بہوں عرصہ بعد امریکی وفد دے دورہ پاکستان اتے ڈو طرفہ گالھ مہاڑ دے نال ترٹ گئی اے۔ انہاں امید کیتی جو پاکستان اتے امریکا ہک واری ول ہک بئے تے اعتماد ڈکھیسن،ڈوہاں ملکاں دے تعلقات اچ پیشرفت سچائی دی بنیاد تے تھیسی۔انہان دا آکھنر ہا جو امریکی وزیرِ خارجہ دورہ امریکا دی دعوت ڈتی اے،میں اقوام متحدہ دے اجلاس اچ ویساں اتے اتھان امریکا اچ میڈی آندی گالھ مہاڑ پومپیو نال واشنگٹن اچ تھیسی۔انہاں دا آکھنر ہا جو ملکی موقف دا دفاع میڈی ذمہ واری اے، اساں امریکا دے اگو حقیقت پسندانہ موقف نہایت بردباری، خودداری اتے ذمہ داری نال رکھیے، اج دی ملاقات نال اے تاثر گئے جو پاکستان دی عسکری اتے سیاسی قیادت ہکے صفحے تے ہے، امریکا افغانستان دے معاملے تے اپنڑی پالیسی دا نویں سرو جائزہ گھدے، امریکا وی سمجھدے جو افغان مسلے دا صرف سیاسی حل ہی اے جیندے کیتے پاکستان دا ہتھ ونڈاونڑ بہوں اہم اے اتے او پاکستان نال تعلقات چنگے کرنڑ چاہندے۔ شاہ محمود قریشی آکھیے جو پاکستان اتے افغانستان دا مستقبل ہک بئے نال جڑیا ہوئے،اساں بئے ہمسایہ ملکاں نال وی چنگے تعلقات چاہندے ہیں، ساڈا سنیہاامن، استحکام اتے ترقی اے اتے اساں افغانستان اچ امن واستحکام کیتے مثبت کردار ادا کریسوں۔
امریکا ڈو مور نئیں، تعلقات چنگے کرنڑ دا تاثر ڈتے، وزیر خارجہ شاہ محمود قریشی
مضمون کا ماخذ : اسکریچ کارڈ کی پیش گوئی
متعلقہ مضامین
