اسلام آباد ۔ 5ستمبر (اے پی پی) سپیکر قومی اسمبلی اسد قیصر نال جاپانی پارلیمنٹ اچ پاکستان جاپان فرینڈ شپ گروپ دے سربراہ سشیرو ایٹو 6 رکنی پارلیمانی وفد دے کٹھے بدھ کوں پارلیمنٹ ہاﺅس اچ ملاقات کیتی۔ ملاقات اچ ڈوہائیں ملکاں وچال تعلقات اتے آپس دی دلچسپی دے امور تے تبادلہ خیال کیتا گیا ۔سپیکر قومی اسمبلی اسد قیصر آکھیا جوپاکستان جاپان دے نال اپنڑے تعلقات کوں وڈی اہمیت ڈیندے اتے انہاں تعلقات کوں بیا ودھارا ڈیونڑ دا خواہشمند ہے۔ اسد قیصر آکھیا جوپاکستان اتے جاپا ن آپس ااچ تعلقات ودھاونڑ،ہک بئے نال تجارت سمیت اہم شعبیاں اچ اپنڑے رابطیاں کوں ودھاونڑ سانگے کو ششاں کریندے پن ۔ڈوہائیں ملکاں دا فرینڈ شپ گروپ وختی فعال کیتا ویسی تاں جوآپس اچ پارلیمانی رابطیاں کوں ودھارا ڈتا ونج جا سگے۔ انہاں آکھیا جوڈوہائیں ملکاں وچال کاروباری برادری اتے عوامی سطح تے نیڑے دے رابطیاں دی ودھ ساری ضرورت ہے۔ پاکستان دنیا دے سارے ملکاں نال تعاون کوں ودھارا ڈیونڑ دی پالیسی تے چلدا پئے اتے جاپان ایں پالیسی اچ اہمیت رکھیندے۔ سشیرو ایٹو اسد قیصر کوں سپیکر بنڑن تے مبارخبا ڈتی۔ انہاں آکھیا جوپاکستان اتے جاپان وچال یاری گروپ کوں بیا فعال کرنڑ سانگے ڈوہائیں ملکاں کوں اپنڑے تعلقات ودھاونڑ پوسن۔ معاشی، اقتصادی ترقی دے ودھارے سانگے جاپان پاکستان دے نال تعاون جاری رکھیسی۔ انہاں آکھیا جو جاپان پاکستان اچ تعلیم اتے توانائی سمیت بئے سارے شعبین اچ اپنڑے ہر ممکن تعاون اچ ودھارا کریسی۔
سپیکر قومی اسمبلی اسد قیصر نال جاپانی پارلیمنٹ اچ پاکستان جاپان فرینڈ شپ گروپ دے سربراہ سشیرو ایٹودی پارلیمانی وفد دے کٹھے ملاقات، دلچسپی دے امور تے خیا لیں دا تبادلہ کیتا
مضمون کا ماخذ : لاٹری کے سستے ٹکٹ
متعلقہ مضامین
