وزیراعظم محمد نواز شریف دا چیچہ وطنی کوں موٹر وے نال ملاونڑ ، سوئی گیس دی فراہمی سمیت جامع ترقیاتی منصوبیاں دا اعلان

چیچہ وطنی ۔ 11 مئی (اے پی پی) وزیراعظم محمد نواز شریف چیچہ وطنی کوں موٹر وے نال ملاونڑ ، سوئی گیس دی فراہمی، بہتر تدریسی سہولتاں سمیت جامع ترقیاتی منصوبیاں دا اعلان کریندے ہوئیں آکھے جو پاکستان ترقی دی منازل طے کریندا پئے ۔ کجھ سالیں اچ ترقی دے عروج اُتے تھیسی اتے دنیا اچ آپنڑاں مقام پیدا کریسی ، نویں نویں الزام لاونڑ اتے لوڑ الاونڑ آلے پاکستان دی ثقافت توں واقف کائنی ۔ عوام نازیبا زبان استعمال کرنڑ آلیاں دا ساتھ چھوڑیندے پئے ہن ، اساں پنج سالیں بعد آپنڑاں حساب ڈیسن ، اتے مخالفاں کوں وی آپنڑاں حساب ڈیونڑاں ہوسی ۔ انہاں اے گالھ خمیس کوںاتھاں 23 کروڑ روپے دی لاگت نال مویشی منڈی دے سنگ بنیاد دی تقریب دے موقعے تے بہوں وڈے لوکیں دے کٹھ نال خطاب کریندے ہوئیں آکھی ۔ ایں موقعے تے رکن قومی اسمبلی محمد طفیل جٹ وی خطاب کیتا۔ ایں موقعے تے وزیراعظم ویٹرنری یونیورسٹی چیچہ وطنی کیمپس دے قیام، چیچہ وطنی شہر کیتے 25 کروڑ روپے دی گرانٹ، سڑکاں کیتے وی 25 کروڑ روپے اتے حلقہ 162 اچ بجلی دی فراہمی کیتے 10 کروڑ روپے دی گرانٹ دا وی اعلان کیتا۔ انہاں چیچہ وطنی ٹیکنیکل انسٹیٹیوٹ کوں اپ گریڈ کرتے ووکیشنل اینڈ ٹیکنیکل ٹریننگ انسٹیٹیوٹ بنڑاونڑ ، گورنمنٹ ڈگری کالج بوائز اتے گورنمنٹ ڈگری کالجز گرلز اچ ایم اے دیاں کلاسز دے اجراء دا وی اعلان کیتا۔ وزیراعظم چیچہ وطنی دے حلقیاں 162، 163، 225، 226 کیتے سوئی گیس دی فراہمی دا وی اعلان کیتا۔ وزیراعظم آکھے جو مسلم لیگ (ن) دی حکومت اچ پاکستان ترقی دیاں منزلاں طے کریندا پئے ۔ دہشت گردی، انتہاء پسندی، لوڈ شیڈنگ سمیت ملک کوںپیش آونڑآلے چیلنجاں اُتے موثر انداز اچ قابو پاتا ویندا پئے ۔ انہاں آکھیا جو سارے ملک اچ بجلی دے درجناں کارخانیاں توں لوڈ شیڈنگ ہمیشہ کیتے مُک ویسی ، موٹر ویز اتے سڑکاں دی تعمیر نال کاشتکاراں کوں منڈیاں اتے بئے شہراں ئیں آپ دیاں اجناس پجاونڑ اچ سہولت ملسی ۔ کساناں کیتے یوریا، ڈی اے پی اتے ٹیوب ویل دی بجلی دے نرخ کوں گھٹ کر ڈتا گئے ۔ انہاں آکھیا جو پاکستان توں دہشت گردی کوں مکایا ویندا پئے ، اتے دہشت گرداں کوں اساں ڈھیر کرڈتے ، اے اﷲ تعالیٰ دا وڈا کرم ہے۔ انہاں مخالفین آلے پاسے اشارہ کریندے ہوئیں آکھیا جو لوک نویں نویں بیان ڈیندے ہن اتے الزام لیندے ہن ، انہاں کوں معلوم کائنی جو انہاں دے منہ اچوں کیہڑی طرح دے لفظ نکلدے ہن ۔ انہاں آکھیا جو اﷲ دے فضل و کرم نال جیکر کہیں خوشحالی ڈیکھنڑیں ہے تاں او باقی پاکستان اچ نظر امسی ۔ اج کسان وی خوش ہے، یوریا پہلے 1800 روپے ہئی ، اج الحمد اﷲ 1400 روپے دی تھی گئی ہے ، پہلے ڈی اے پی 4 ہزار روپے اچ اتے اج 2500 روپے دی ہے ۔ ٹیوب ویل اُتے بجلی دے نرخ تلے آ گئے ہن ۔ اے کساناں دی خدمت تھیندی پئی ہے ، سڑکاں بنڑدیاں پن ۔