اسلام آباد ۔ 17 جون (اے پی پی) وفاقی حکومت اتے آغا خان یونیورسٹی کورونا وائرس نال متاثرہ مریضاں دے علاج معالجہ کیتے رل مل تے کم کریندے پین،ایندے کیتے آغا خان یونیورسٹی اتے وزارت صحت ٹیلی کنسلٹیشن، معائنہ اتے آئی سی یودی سہولت سودھا بئے اقدامات تے کم کریندے پین۔وزیراعظم دے معاون خصوصی برائے صحت ڈاکٹر ظفر مرزا آکھیے جو ہسپتالاں اچ مریضاں دی ڈیکھ بھال اچ چنگائی سادی ترجیح اے،ایں معاہدہ نال ملک دے سارے ڈاکٹراں، نرساں، پیرامیڈیکس اتے بئے طبی عملہ کوں تربیت ڈتی ویسی،کرونا مریضاں کوں ڈیکھنڑ آلے طبی عملہ تئیں ٹیلی مواصلات نال مدد بھیجی ویسی ایندے اچ کووڈ۔19 دے مریضاں دا علاج کرنڑ آلے ہیلتھ ورکرز ٹیلی کنسلٹیشن نال حصہ بنڑ سگسن، ”دی کیئر سسٹم“ دے تحت 50 ہزار ہیلتھ ورکرز کوں پی پی ایز پر ٹریننگ ڈتی ویسی،آغا خان یونیورسٹی سندھ اچ کجھ ہفتیاں دے اندرو 10 ہزار ہیلتھ کیئر ورکرز کوں تربیت ڈتی ویسی۔ایں سانگے انتہائی نگہداشت دے یونٹس دی ملک بھردے 150 سرکاری ہسپتالاں اچ صلاحیت کوں ڈٹھا ویسی،ڈاکٹر کرونا بارے کہیں وی معلومات، رہنمائی کیتے کووڈ۔19 ٹیلی آئی سی یو ہاٹ لائن 021-34862100تے رابطہ کرسگدن۔
آغا خان یونیورسٹی اتے وزارت صحت ٹیلی کنسلٹیشن، معائنہ اتے آئی سی یودی سہولت سودھا بئے اقدامات کریندا پئے،معاون خصوصی برائے صحت ڈاکٹر ظفر مرزا
مضمون کا ماخذ : اسکریچ کارڈ کے نتائج
متعلقہ مضامین
