اسلام آباد ۔ 24 فروری (اے پی پی) قومی اسمبلی دے سپیکر اسد قیصر آکھیے جو او سارے پارلیمانی معاملات ملکی آئین دے تحت چلیسن کیوں جو او کہیں مخصوص سیاسی جماعت دے کائنی بلکہ پورے ایوان دے محافظ ہن ۔ہک نجی ٹی وی چینل نال گال مہاڑ کریندے ہوئیں انہاں آکھیا جو قانون سازی پارلیمانی دی بنیادی ذمے واری اے ۔ انہاں آکھیا جو موجودہ پارلیمانی نظام دی بہتری انہاں دی پہلی ترجیح اے انہاں ساریاں سیاسی جماعتاں تے زور ڈتا جو او ملک کیتے کم کرن تے حساس معاملات تے سیاست توں پرے رہن ۔ سپیکر قومی اسمبلی دا آکھنڑ ہئی جو پارلیمانی اچ کہیںکوں اپنڑی آواز چاونڑ دا حق حاصل اے لیکن اے آئینی حدود اچ ہوونڑاں چاہیدے ۔انہاں آکھیا ہر سیاسی جماعت کوں ملکی ترقی کیتے اپنڑاں کردار ادا کرنڑاں چاہیدے ۔انہاں آکھیا جمہوریت کوں کوئی خطرہ کائنی تے پاکستان تحریک انصاف دی حکومت بلاتفریق بدعنوان عناصر دے احتساب دی حمایت کیتی اے ۔ہک سوال دے جواب اچ انہان آکھیا جو قومی احتساب بیورو (نیب) ہک آزاد تے خود مختار ادارہ اے جیرھا جو کہیں دے دباﺅ دے بغیر آزادانہ طریقے نال اپنڑاں فرض پورا کریندا پئے ۔
سارے پارلیمانی معاملات آئین دے تحت چلیسوں ‘سپیکر اسد قیصر
مضمون کا ماخذ : دیگر کلیدی الفاظ
متعلقہ مضامین
