اسلام آباد۔15فروری(اے پی پی)وزیراعظم عمران خان ہک واری ول واضح کیتے جو امریکا دے صرف امن کیتے ساڄھے دار ہیں جھیڑیاں اچ نال کائنی، افغانستان دی طالبان حکومت کوں منیے بغیر کوئی راہ کائنی جو اے چار کروڑ افغانیاں دے مستقبل دا سوال اے، طالبان حکومت کوں منݨ دا فیصلہ پاکستان کلہے نئیں کرسڳدا، ایں سان??ے علاقائی ملکاں نال صلاح مشورے کریندا پئے۔ اے ڳالھ انہاں فرانسیسی اخبار لی فگارو کوں انٹرویو اچ آکھی۔ وزیراعظم عمران خان آکھیا جو پاکستان اڄ معاشی طور تے ا??ݨے پیریں تے کھڑا تھیوݨ دی کوشش اچ اے، اساں نہ چاہسوں جو ڄڳ اچ کلہے تھیوو??، ایں سانڳے ضروری اے جو ساݙے ڄڳ نال تعلقات چنڳے ہوون۔ انہاں آکھیا جو ایندے تے پورا ڄڳ متفق اے جو افغانستان اچ ہک جامع حکومت ہووݨی چاہیدی اے، افغانستان اچ جتنا ودھ استحکام ہوسی عالمی دہشتگرداں دے ودھݨ دا امکان اتنا ہی ڳھٹسی، اتھاں تریمتیں اتے ا??سانی حقوق دا تحفظ وی اہم اے جیندے کیتے طالبان پاسداری دا وعدہ کیتے، افغان عوام کوں کوئی مجبور نئیں کرسڳدا، ہک حد تئیں بیرونی دبائو ہی کہیں حکومت کوں دبائو پا سڳدے، افغانستان اچ تریمتیں کوں مغرب ڄھیں آزادی ملݨ اوکھا اے۔ وزیراعطم آکھیا جیکر افغانستان اچ حالات وگڑدن تاں پاکستان کوں ولا پناہ گزین اتے دہشتگردی کوں سنٻھالݨا پوسی اتے اےس اݙے کیتے قابل قبول کائنی۔ وزیراعظم آکھیا جو میکوں بھروسہ اے جو طالبان حکومت افغان سرزمین پاکستان دے خلاف استعمال نہ تھیوݨ ݙیسن جو اے ا??ہاں دے ا??ݨے فیدے اچ اے، پورا خطہ افغانستان دے استحکام اتے ا??ن اچ دلچسپی رکھدے جو اے اساں ہر کہیں دے مفاد اچ اے۔ پاک امریکا سوال بارے ا??ہاں آکھیے جو پاکستان دے ا??ریکہ نال چنڳے تعلقات ہین، انہاں تعلقات دی کڄھ نوعیت تے میں ہمیشہ تنقید کیتی اے، دہشتگردی اتے ا??غانستان اچ تھیوݨ آلی جنگ ایندے اچوں ہک ہئی جو امریکا افغانستان اچ کیوں ہے؟ میݙے خیلا اچ ایندا امریکا کوں وی پتا کائنا ہو جو انہاں دا اصل مقصد کیا اے؟ پہلے ا??غانستان اچ سوویت یونین دے خلاف جنگ اچ پاکستان امریکہ دا ہتھ ونݙائے، مجاہدین کوں مسلح کیتے اتے جہادی ہیرو ٻݨین جیندی اساں سی آئی اے نال رل تے تربیت کیتی ہئی۔ ول سوویت فوجاں دے ونڄݨ توں بعد افغانستان اچ امریکا آ ڳئے اتے ا??ہے جہادی جیویں پاکستانی طالبان اتے ا??قاعدہ وی ساݙے خلاف تھی ڳین، حالانکہ ساکوں غیر جانبدار رہݨا چاہیدا ہا، ساکوں قیمتی جانی اتے مالی ضیان چاوݨا پئے، ایندے باوجود افغانستان اچ ناکامی تے پاکستان کوں ݙوہ ݙتے ڳین بھل ہݨ دہشتگردی بارے ساݙا موقف ہک اے اتے ا??ریکا نال مشترکہ مفادات ہین، امید اے ا??ریکا کوں وی ایندا احساس تھیسی۔ افغانستان اچ فضائی نگرانی و آپریشن دی پالیسی اچ رلݨ دے ولدے اچ انہاں آکھیا جو اے صرف طالبان حکومت دی اجازت نال ہی تھی سڳدے، اساں نہ چاہسوں جو افغانستان اچ کوئی ٻیا ڄھیڑھا ودھے، اساں صرف امن ??ے ساڄھے دار ہیں کہیں نال ڄھیڑے دے نئی??، اے ا??ریکا دا کم نئیں جو او پاکستانی لوکاں دے مفادات دا خیال کرے، اے ذمہداری ساݙی اپݨی قیادت دی اے۔
افغانستان اچ طالبان حکومت کوں منݨ دا فیصلہ پاکستان کلہے نئیں کرسڳدا، امریکا دے صرف امن کیتے ساڄھے دار ہیں، وزیراعظم عمران خان دا فرانسیسی اخبار کوں انٹرویو
مضمون کا ماخذ : تھور میگا ویز کی طاقت
متعلقہ مضامین
