اسلام آباد ۔ 19 دسمبر (اے پی پی) وزیر خارجہ مخدوم شاہ محمود قریشی آکھیے جو اساڈی امن دی خواہش کوں کمزوری نہ سمجھیا ونجے ، پاکستانی قوم ولوں نریندر مودی سرکار کوں ڈساونڑ چاہنداں جو اگر جارحیت کیتی، فالس فلیگ آپریشن کیتا گیا تے کہیں بہانے پاکستان تے حملہ کرنڑ دی کوشش کیتی تاں پاکستانی فوج تیار اے وختی تے مناسب جواب ڈتا ویسی ،بھارتی آرمی چیف دا بیان غیر ذمہ دارانہ اے ،اساڈی انٹیلیجنس غیر معمولی نقل و حرکت کوں محسوس کیتے جیرھا جو ایں گال دا اشارہ ڈیندی اے جو بھارت دے ارادے درست کائنی ، انہاں آکھیے جو اساں پرامن لوک ہوں لیکن اساڈی خواہش کوں اساڈی کمزوری نہ سمجھیا ونجے ۔ بھارت جنوری 2019 توں ہنڑ تئیں 3ہزار واری لائن آف کنٹرول دی خلاف ورزی کیتی اے ، تریمتاں تے بالاں سمیت نہتے لوکاں کوں نشانہ بنڑایا گے ۔اے گال انہاں خمیس کوں ہک ویڈیو بیان اچ آکھی اے ۔مخدوم شاہ محمود قریشی آکھیے جو مقبوضہ کشمیر اچ کرفیو کوں 136 ڈینھ تھی گن ، مواصلات دے ذرائع معطل ہن میڈیا اتے سفارتکاراں تے پابندی اے ، بھارت دے عزائم کوں ڈیکھدے ہی میں ہک خط سلامتی کونلس دے صدر کوں پھٹیے ، بھارت اچ متنازعہ شہریت بل دے خلاف لوک احتجاج کریندے پن ، ایں احتجاج توں توجہ ہٹاونڑ کیتے اساکوں ہندوستان دی طرفوں نواں ناٹک رچاونڑ دا ڈر اے ۔ وزیر خارجہ آکھیے جو آکھیا جو جنوری 2019 توں ہنڑ تئیں ترائے ہزار واری لائن آف کنٹرول دی خلاف ورزی کیتی گی اے ، 300 دے نیڑے نہتے انساناں کوں نشانہ بنڑایا گے جیندے اچ تریمتاں تے بال وی شامل ہن ، اساڈے ایں خط دی بنیاد تے اقوام متحدہ سیکورٹی کونسل اچ چین ایں مسئلے کوں ڈوجھی واری چاتے ۔ میں اج پاکستانی قوم ولوں نریندر مودی کوں ڈساونڑ چاہنداں جو اساں پر امن لوک ہوں لیکن 27فروری کوں نہ بھولیجو ، اگر جارحیت کیتی گی تاں ، فالس فلیگ اپریشن کیتا گیا یا کہیں وی بہانے دی آڑ اچ پاکستان تے حملہ کرنڑ دی کوشش کیتی تاں پاکستان فوج تیار اے تے وختی تے مناسب جواب ڈتا ویسی تے پوری قوم افواج پاکستان دے رلے ہے تے پاکستان دے نظریے ، جغرافیے تے کشمیریاں دے حق خود ارادیت دی تحریک دے رلے کھڑی ڈکھائی ڈیسی ،ایجھی غلطی نہ کریجو ۔
اساڈی امن دی خواہش کوں کمزوری نہ سمجھیا ونجے ، بھارتی آرمی چیف دا بیان غیر ذمہ دارانہ اے ، پاکستانی فوج وختی جواب ڈیونڑ کیتے تیار اے ، وزیر خارجہ مخدوم شاہ محمود قریشی
مضمون کا ماخذ : ڈریگن کی قسمت
متعلقہ مضامین
