سیالکوٹ ۔ 22 ستمبر (اے پی پی) وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان آکھیے جو وزیر اعظم عمران خان دا ویژن قوم دی سوچ بدلنڑاے،ملک کوں فرسودہ نظام توں نجات ملسی،عمران خان دی اگوانڑی اچ پاکستان ترقی دیاں منزلاں تیکھے طے کریسی۔ اے گالھ وزیراعظم دی معاون خصوصی برائے اطلاعات و نشریات ڈاکٹر فردوس عاشق اعوان سیالکوٹ اچ جلسے نال خطاب کریندے آکھی۔انہاں آکھیے جو اگیں ملک کوں کرپشن دا گڑھ بنڑایا گئے،اے پہلی واری اے جو ملک اچ کھیسے بھرنڑدی بجائے ملکی خزانہ بھریا ویندا پئے،نسل در نسل کرنڑ آلے عوام کوں گمراہ یکریندے پین، مولنا فضل الرحمان کوں ملک دا نئیں بنگلہ نمبر باوی دا درد کھادی ویندے جو او ہنڑ چوراں دے ٹولے کون چھڑاونڑ کیتے مارچ دی تیاری بدھی ودن۔ انہاں آکھیے جو وزیر اعظم کشمیری عوام دا مقدمہ لڑدے پین،او جنرل اسمبلی اچ کشمیر دی آواز چیسن،جگ کوں مودی دام کروہ چہرہ ڈکھیسن۔صنعتاں دی بحالی، کاروبار سوکھا کرنڑ،چھوٹے اتے درمیانے درجے دی صنعتاں کیتے سوکھے قرض یقینی بنڑائے ویندے پین،لوکاں کوں تیکھے روزگار ملنڑ وی شروع تھی ویسی جیندے کیتے جامع اقدامات کیتے ویندے پین۔ معاون خصوصی آکھیا جو حکومت ہک سال اچ ملکی معیشت کوں تکڑا کیتے،غریباں کیتے صحت کارڈ اتے احساس پروگرام شروع کیتے،نینگراں کیتے یوتھ پروگرام ڈتے۔انہاں آکھیے جو مقبوضہ کشمیر اچ بھارت دے غیر قانونی اتے غیر انسانی اقدامات ثابت کیتے جو مود جگ دا وڈا دہشتگرد اے،اساں کنٹرول لائن تے بھارتی جارحیت دا ڈٹ تے مقابلہ کریندے پئے ہیں جتھاں بھارتی افواج معصوم کشمیریاں کوں نشانہ بنڑیندے پین۔
وزیر اعظم عمران خان دا ویژن قوم دی سوچ بدلنڑاے،ملک کوں فرسودہ نظام توں نجات ملسی، ڈاکٹر فردوس عاشق اعوان دا سیالکوٹ اچ جلسے نال خطاب
مضمون کا ماخذ : لاٹری کی قانونی حیثیت
متعلقہ مضامین
