اسلام آباد ۔ 21 مئی (اے پی پی) وزیراعظم عمران خان دی صدارت اچ منگل کو ں تھیونڑ آلے وفاقی کابینہ اجلاس دے بعد میڈیا کوںبریفنگ ڈیندے ہوئیں وزیراعظم دی معاون خصوصی اطلاعات تے نشریات ڈاکٹر فردوس عاشق اعوان ڈسایا جو وفاقی کابینہ اجلاس دے شروع اچ کابینہ دے رکن وزیر انسداد منشیات علی محمد مہر دی فوتگی تے افسوس دا اظہار کیتا گیا اتے مرحوم دی مغفرت اتے لواحقین سانگے صبر دی دعا کیتی گئی۔فردوس عاشق اعوان ڈسایا جو کابینہ کامیاب نوجوان پروگرام، تعلیمی پالیسی، وفاقی دارالحکومت سانگے لوکل گورنمنٹ بورڈ بنڑاونڑ، ڈسٹرکٹ سیشن جج حافظ عثمان کوں بینکنگ کورٹ کراچی،شہیدذوالفقار علی بھٹو یونیورسٹی دے وائس چانسلر لاونڑ اتے کے الیکٹرک سانگے بجٹ ڈیونڑ سمیت 9 نکاتی ایجنڈے دی منظوری ڈے ڈتی ہے۔انہاں ڈسایا جواجلاس اچ تعلیمی پالیسی اتے کامیاب نوجوان پروگرام تے اڈھائی گھنٹے بحث کیتی گئی، نینگراں کوں با اختیار بناونڑ سانگے حکومت 100 ارب روپے کامیاب نوجوان پروگرام سانگے رکھے گئے ہن۔انہاں ڈسایا جو تریمتیں سانگے 25 فیصد کوٹہ رکھیا گئے ، نینگراں کوں ہک توں پنج لکھ روپے داقرضہ 6 فیصد شرح سود دے نال ڈتے ویسی، 5 توں 50 لکھ روپے قرضہ تے شرح سود 8 فیصد رکھی گی ہے، ودھ شرح سود دا بھار حکومت خود برداشت کریسی۔انہاں دا آکھنر ہا جو ایں پروگرام نال معاشی انقلاب آوسی، کابینہ اچ ڈالر دی قیمت اچ ودھارے دے معاملے تے وی تفصیلی غور کیتا گئے ۔فردوس عاشق اعوان ڈسایا جوکابینہ اجلاس اچ مشیر خزانہ ڈاکٹر عبدالحفیظ شیخ ڈالر دی قیمت اچ ودھارے دے حوالے نال تلخ حقائق، وراثت اچ ملنڑ آلی معیشت دے خدوخال کابینہ دے سامنڑے رکھے ہن ۔انہاں ڈسایا جووفاقی کابینہ ڈاکٹر اسد اتے حامد مختار کوں مانیٹری پالیسی کمیٹی اچ ایکسٹرنل ممبر لاونڑ اتے اسلام آباد سانگے لوکل گورنمنٹ بورڈ بنڑاونڑ دی منظوری ڈتی، اپوزیشن ولوں ملک کوں عدم استحکام دا شکار کرنڑ اتے انتشار کھنڈاونڑ دے معاملے تے وی غور کیتا گئے۔
وزیراعظم دی معاون خصوصی اطلاعات تے نشریات ڈاکٹر فردوس عاشق اعوان دی وزیراعظم عمران خان دی صدارت اچ وفاقی کابینہ اجلاس دے بعد میڈیا بریفنگ
مضمون کا ماخذ : estatisticas para ganhar na loteria
متعلقہ مضامین
