اسلام آباد ۔ 20 مئی (اے پی پی) وزیراعظم دے معاون ا نسداد پولیو بابر بن عطاءآکھیے جو پولیو مہم دے خلاف بے بنیاد پروپیگنڈا کرنڑ آلیں دے خلاف کریک ڈاﺅن جاری اے ، فیس بک، ٹویٹر تے یو ٹیوب انتظامیہ مزید تعاون شروع کرڈتے ۔ سنوار کوں اپنڑے ہک ٹویٹ اچ انہاں آکھیے جو انسداد پولیو انتظامیہ ولوں سوشل میڈیا تے 495 اکاﺅنٹ بلاک کرنڑدی درخواست کیتی گئی ہئی جیں تے کاروائی دے دوران 257 اکاﺅنٹس بلاک کرڈتے گن ۔ فیس بک تے 263 اکاﺅنٹس بلاک کرنڑدی درخواست تے 209 اکاﺅنٹس بلاک کیتے گن ۔ ٹویٹر تے 134 اکاﺅنٹس بلاک کرنڑدی درخواست تے 15 اکاﺅنٹس بلاک کر ڈتے گن بئیں دے خلاف کاروائی جاری اے ۔ یو ٹیوب تے 88 بلاک کرنڑدی درخواست تے ہنڑ تئیں 33 اکاﺅنٹس بلاک کیتے گن ۔ انہاں آکھیا جو سوشل میڈیا تے بے بنیاد پروپیگنڈا کرنڑآلیں دے خلاف مزید کاروائی کوں قانونی شکل ڈیونڑ کیتے وی غور کیتا ویندا پئے ، جیرھے اکاﺅنٹس کوں بند کائنی کیتا گیا انہاں دے خلاف کارروائی کیتے ولا رابطہ کیتا ویسی۔
پولیو مہم دے خلاف بے بنیاد پروپیگنڈا کرنڑآلیں دے خلاف کریک ڈاﺅن جاری اے، وزیراعظم دے معاون انسداد پولیو بابر بن عطاء
مضمون کا ماخذ : میگا ملینز کا بونس
متعلقہ مضامین
