اسلام آباد ۔20دسمبر(اے پی پی) وزیر مملکت برائے داخلہ بلیغ الرحمان آکھے جو انسانی سمگلنگ دی روک تھام کیتے ہک باقاعدہ مہم جاری ہے‘ گزریل ہک سال توں وی گھٹ عرصے اچ 2184 انسانی سمگلراں کوں گرفتار کیتا گئے ۔ منگل کوں ایوان بالا اچ سوالیں دے وقفے دے دوران سینیٹر اعظم سواتی‘ طلحہ محمود ‘ سردار اعظم موسیٰ خیل دے سوالیں دے جواب اچ وزیر مملکت برائے داخلہ ایوان کوں ڈسایا جو ایف آئی اے قنونی اتھارٹی اتے مکمل آزادی دے تحت کم کریندی پئی ہے ۔ ایندی کارکردگی اچ نمایاں بہتری امسی ۔ ای او بی آئی کیس سمیت ودھ سارے مقدمے ایندی مثال ہن ۔ ایف آئی اے دے ڈائریکٹر جنرل دے عہدے دے تحفظ بارے وزارت داخلہ دے سامنڑیں کئی معاملہ کائنی چاتا گیا۔ انہاں آکھیا جو ایف آئی اے توں کیتی ونجنڑآلی تحقیقات‘ انسانی سمگلنگ دی روک تھام کیتے ہک باقاعدہ مہم شروع کیتی گئی ہے ۔ 18 نومبر 2015ءتوں 18 اگست 2016ءتئیں 2184 افراد کوں گرفتار کیتا گئے ۔ 1443 جاہیں تے چھاپے مارے گئے ہن ۔ انسانی سمگلنگ دی روک تھام کیتے سارے اقدامات کیتے ویسن۔ انہاں آکھیا جو ایف آئی اے دی امیگریشن بارے قوانین دا دائرہ طورخم بارڈر تئیں ودھا ڈتا گئے تانجو غیر قنونی انسانی سمگلنگ کوں روکیا ونج سگے ۔
وزیر مملکت برائے داخلہ بلیغ الرحمان دا ایوان بالا اچ سوالیں دے وقفے دے دوران جواب
مضمون کا ماخذ : آن لائن اور ایپلیکیشنز
متعلقہ مضامین
